یوتھ تبدیلی کے محرکات ہیں، پاکستان کو درپیش آبادی کے انتظامی چیلنجز

یوتھ کانفرنس کا انعقاد

لاہور (ڈیلی پاکستان آن لائن) وزیراعلیٰ پنجاب کے پاپولیشن مینجمنٹ اینڈ فیملی پلاننگ پروگرام کے تحت ڈائریکٹوریٹ جنرل، پاپولیشن ویلفیئر، محکمہ صحت و آبادی، پنجاب کے زیر اہتمام“یوتھ ایز کیٹالسٹس آف چینج، پاکستان کو درپیش آبادی کے انتظامی چیلنجز”کے موضوع پر ایک یوتھ کانفرنس کامیابی سے کنیئرڈ کالج برائے خواتین، لاہور میں منعقد کی گئی۔

یہ بھی پڑھیں: ڈاکٹر محمد علی کا “تعلیم کارڈ”!

کانفرنس کا مقصد

اس کانفرنس کا مقصد طلبہ و طالبات میں آبادی میں بے تحاشا اضافے کے منفی اثرات، مؤثر آبادی کے انتظام کی اہمیت، اور پائیدار قومی ترقی کے لیے خاندانی منصوبہ بندی کے کردار کے بارے میں آگاہی پیدا کرنا تھا۔

یہ بھی پڑھیں: بیشک دشمن کو گھر بسائیں لیکن دشمن کا کردار ادا نہ کریں: خواجہ آصف کا سراج الدین حقانی کو دوٹوک پیغام

مہمانانِ خصوصی

تقریب کی مہمانانِ خصوصی پرنسپل ڈاکٹر ارم انجم اور وائس پرنسپل ڈاکٹر کلسوم اختر تھیں، جنہوں نے اس اہم اقدام کو سراہتے ہوئے اس امر پر زور دیا کہ باخبر اور بااختیار نوجوان پاکستان کو درپیش آبادی سے متعلق چیلنجز سے نمٹنے اور ذمہ دارانہ سماجی رویوں کے فروغ میں کلیدی کردار ادا کر سکتے ہیں۔

یہ بھی پڑھیں: عدالت میں ساری بات صدر کے اختیار پر ہو رہی ہے، صدر کے اختیار سے پہلے کے عمل پر کسی نے بات نہیں کی، آئینی بنچ

شرکاء کی شرکت

ڈائریکٹوریٹ جنرل، محکمہ صحت و آبادی، پنجاب کی نمائندگی کرتے ہوئے مسٹر محمد افضل چوہدری، ڈپٹی ڈائریکٹر (SBCC)، مسٹر سلمان الرشید، اسسٹنٹ ڈائریکٹر (IEC) اور مسز ثانیہ مرزانے شرکاء کو آبادی میں اضافے کے منفی اثرات، مؤثر آبادی کے انتظام کی ضرورت، اور صحت مند خاندانوں، بہتر زچہ و بچہ صحت اور پائیدار سماجی و معاشی ترقی کے لیے خاندانی منصوبہ بندی کی اہمیت سے آگاہ کیا۔

یہ بھی پڑھیں: اے آری وائی کی شان رمضان نشریات میں بچوں کا حصہ: عمراحمد کا انتقال کیسے ہوا؟ وسیم بادامی نے وجہ بتا دی

چیلنج انیشی ایٹو کی اہمیت

اسی طرح دی چیلنج انیشی ایٹو (TCI) کے صوبائی سربراہ مسٹر خبابیب کیانی اور مسٹر خالد نے نوجوانوں کی بامعنی شمولیت کی اہمیت کو اجاگر کرتے ہوئے طلبہ کو معاشرتی آگاہی، ذمہ دارانہ فیصلہ سازی اور مثبت کمیونٹی تبدیلی کے لیے فعال کردار ادا کرنے کی ترغیب دی۔

یہ بھی پڑھیں: پیپلزپارٹی رہنما شازیہ مری نے وزیراعلیٰ پنجاب مریم نواز کے بیانات کو تنگ نظر اور تفرقہ پیدا کرنے والا قرار دے دیا

تخلیقی پیشکش

اہم پیغامات کو مزید مؤثر بنانے کے لیے شرکاء کو ایک ون ایکٹ تھیٹر پلے کے ذریعے آبادی میں اضافے، خاندانی منصوبہ بندی اور آبادی کے انتظام سے متعلق کمیونٹی سطح کے مسائل سے روشناس کرایا گیا۔ اس انٹرایکٹو پیشکش نے طلبہ میں بھرپور دلچسپی اور مثبت مکالمے کو فروغ دیا اور عوامی آگاہی کے لیے تخلیقی ابلاغی طریقوں کی افادیت کو واضح کیا۔

اختتام اور مستقبل کی امیدیں

کانفرنس کے اختتام پر اس عزم کا اعادہ کیا گیا کہ نوجوانوں کو علم اور شعور سے بااختیار بنا کر، ذمہ دارانہ انتخاب کو فروغ دے کر، اور مشترکہ کاوشوں کو مضبوط بنا کر پاکستان میں متوازن آبادی اور پائیدار قومی ترقی کے اہداف حاصل کیے جا سکتے ہیں۔