بھارت نے خطرناک ترین ہتھیار کی خریداری کیلئے 5 ارب ڈالرز سے زائد رقم کی منظوری دیدی

نئی دہلی میں اہم دفاعی فیصلہ

نئی دہلی (ڈیلی پاکستان آن لائن) بھارت نے جوہری توانائی سے چلنے والی دو حملہ آور آبدوزوں کی خریداری کے لیے 5 ارب 40 کروڑ ڈالر کی منظوری دے دی۔

یہ بھی پڑھیں: سیاسی سفارشات کو انہوں نے اپنے حساب سے پہلے ہی ایڈجسٹ کر لیا تھا، ہر سیاست دان اپنی مرضی کی ہی یونین کونسل بنوانا چاہتا تھا جو ممکن ہی نہ تھا۔

بحر ہند میں چینی موجودگی کا اثر

غیر ملکی میڈیا کے مطابق بھارت کے دفاعی حکام کا کہنا ہے کہ بحر ہند میں چین کی بڑھتی ہوئی موجودگی کے پیش نظر اپنی فوج کو جدید بنانے کے لیے کوشاں ہیں۔ وزیر اعظم نریندر مودی کی کابینہ نے ابتدائی طور پر 2 جوہری حملہ آور آبدوزوں کو بھارتی بحریہ میں شامل کرنے کی منظوری دی ہے۔

یہ بھی پڑھیں: اے این ایف نے 860 کلو گرام منشیات برآمد کر کے 15 ملزمان پکڑ لئے

جوہری حملہ آور آبدوزوں کی اہمیت

خیال رہے کہ جوہری طاقت سے چلنے والی حملہ آور آبدوزیں دنیا کے سب سے طاقتور بحری ہتھیاروں میں شمار ہوتی ہیں۔ جوہری طاقت سے چلنے والی حملہ آور آبدوزیں چین، فرانس، روس اور امریکہ ہی بناتے ہیں۔

ماضی کی تعمیرات اور مستقبل کی منصوبہ بندی

ماضی میں بھارت نے جوہری طاقت سے چلنے والی 2 حملہ آور آبدوزیں روس سے لیز پر لی تھیں۔ لیکن انہیں واپس کرنے کے بعد سے دوسری لیز پر لینے کے لیے اس کے ساتھ بات چیت کر رہا ہے۔