پنجاب کے 8 شہروں پر فوری طور پر دفعہ 144 نافذ

حکومت پنجاب کا فیصلہ

لاہور (ڈیلی پاکستان آن لائن) حکومت پنجاب نے 8 شہروں میں دفعہ 144 نافذ کردیا اور اس کا اطلاق فوری طور پر ہوگا۔

یہ بھی پڑھیں: شکارپور میں ڈاکو پولیس اہلکاروں سے اسلحہ اور گاڑی چھین کر فرار

نافذ کردہ شہروں کی فہرست

حکومت پنجاب کی جانب سے جاری احکامات کے مطابق ملتان، ساہیوال، سرگودھا، گوجرانوالہ، وہاڑی، پاکپتن، اوکاڑہ اور وزیر آباد میں دفعہ 144 نافذ ہوگا۔ اس پابندی کا مقصد ہر قسم کے سیاسی اجتماعات، دھرنے، جلسے، مظاہرے، احتجاج اور اسی طرح کی تمام سرگرمیوں پر پابندی عائد کرنا ہے۔

یہ بھی پڑھیں: بنگلہ دیش کے سنیئر کھلاڑی نے ٹی ٹوئنٹی کرکٹ سے اپنے ریٹائرمنٹ کا اعلان کر دیا

پابندی کا دورانیہ

ترجمان محکمہ داخلہ پنجاب نے بتایا کہ دفعہ 144 کے نفاذ کا فیصلہ متعلقہ ضلعی انتظامیہ کی درخواست پر کیا گیا ہے۔ ان 8 اضلاع میں تین دن کے لیے یہ پابندیاں نافذ کی گئی ہیں، جو جمعرات (آج) 10 اکتوبر سے شروع ہوکر ہفتہ 12 اکتوبر تک جاری رہیں گی۔

سیکیورٹی خدشات

انہوں نے مزید کہا کہ سیکیورٹی خطرات کے پیش نظر کوئی بھی عوامی اجتماع دہشت گردوں کے لیے سافٹ ٹارگٹ بن سکتا ہے۔ امن و امان کے قیام، انسانی جانوں اور املاک کے تحفظ کے لیے احکامات جاری کیے گئے ہیں۔