بھارت کی بیرون ملک دہشتگردی میں ملوث ہونے کی ایک بار پھر تصدیق، نکھل گپتا نے امریکی وفاقی عدالت میں اہم اعتراف کرلیا

بھارت کی بیرون ملک دہشتگردی کی تصدیق

واشنگٹن (مانیٹرنگ ڈیسک) بھارت کی بیرون ملک دہشتگردی میں ملوث ہونے کی ایک بار پھر تصدیق ہوگئی۔ بھارتی شہری نکھل گپتا نے امریکی وفاقی عدالت میں اہم اعتراف کرلیا۔

یہ بھی پڑھیں: قطر پر حملے کا فیصلہ کس کا تھا؟ امریکی صدر کا اہم بیان سامنے آگیا

نکھل گپتا کا اعتراف

’’جیو نیوز‘‘ کے مطابق نکھل گپتا نے امریکی وفاقی عدالت میں سکھ رہنما گرپتونت سنگھ پنوں کے قتل کی سازش کا اعتراف کرلیا۔ نکھل گپتا نے نیو یارک میں فیڈرل کورٹ میں سماعت کے دوران جرم قبول کیا۔

یہ بھی پڑھیں: وزیر خزانہ محمد اورنگزیب کی پوسٹ بجٹ پریس کانفرنس کے دوران صحافیوں کا واک آؤٹ

بھارتی سرکاری اہلکار کے ساتھ رابطہ

امریکی پراسیکیوٹرز نے عدالت کو بتایا کہ نکھل گپتا براہِ راست ایک بھارتی سرکاری اہلکار کے ساتھ رابطے میں تھے، جس نے انہیں اس قتل کا ہدف دیا تھا۔ نکھل گپتا بھارتی حکومت کے تحت کام کرنے والے اس گروپ کا حصہ تھا جو اوورسیز علیٰحدگی پسند سکھوں کا نشانہ بناتا ہے۔

یہ بھی پڑھیں: ایران سے جنگ کا ذمہ دار کون؟۔۔۔ نیتن یاہو اور ’’موساد‘‘ کے سربراہ میں شدید اختلافات کا دعویٰ

سزائے قید کا امکان

میڈیا رپورٹ کے مطابق امریکی قوانین کے تحت بھارتی شہری نکھل گپتا کو جرائم پر 40 سال تک قید کی سزا ہو سکتی ہے۔

یہ بھی پڑھیں: کرسٹیانو رونالڈو نے بیٹے پر سوشل میڈیا اور سمارٹ فون کے استعمال پر پابندی عائد کردی

قتل کی سازش کا پس منظر

یاد رہے کہ جون 2023 میں کینیڈا کے ایک گوردوارہ کے باہر خالصتان تحریک کے رہنما ہردیپ سنگھ نجر کو قتل کردیا گیا تھا جس کے بعد امریکہ میں ایک اور سکھ رہنما گرپتونت سنگھ پنوں کو بھی قتل کرنے کی سازش کی گئی جس میں بھارتی شہری نکھل گپتا ملوث تھے۔

یہ بھی پڑھیں: بغداد میں امریکی سفارتخانے پر ڈرون حملہ

گرفتاری اور فرد جرم

نکھل گپتا کو جون 2023 میں چیک ریپبلک سے گرفتار کیا گیا تھا جس کے بعد انہیں امریکہ ڈی پورٹ کیا گیا، امریکا ڈپورٹ ہونے کے بعد بھارتی شہری پر فرد جرم عائد کی گئی تھی。