مراد سعید نے سینیٹ کی نشست سے استعفیٰ دے دیا

مراد سعید کا سینیٹ کی نشست سے استعفیٰ

اسلام آباد (ڈیلی پاکستان آن لائن) پاکستان تحریک انصاف (پی ٹی آئی) کے رہنما مراد سعید نے سینیٹ کی نشست سے استعفیٰ دے دیا۔ مراد سعید نے اپنا استعفیٰ چیئرمین سینیٹ کے نام خط میں بھیجا ہے۔

یہ بھی پڑھیں: پنجاب پولیس کے متعدد اہلکاروں کا منشیات فروشی میں ملوث ہونے کا انکشاف، 12 اہلکار گرفتار

استعفے کی تصدیق

پاکستان تحریک انصاف نے مراد سعید کے سینیٹ سے استعفے کی تصدیق کی ہے۔ استعفے کے متن کے مطابق مراد سعید نے کہا ہے کہ اس پارلیمنٹ کی بنیاد جعلی اور ناجائز ہے، یہ پارلیمنٹ عوام کے مینڈیٹ کی توہین کرنے میں حصہ دار ہے۔

سینیٹر منتخب ہونے کی تفصیلات

خیال رہے کہ مراد سعید جولائی 2025 میں خیبرپختونخوا سے سینیٹر منتخب ہوئے تھے تاہم وہ روپوش ہونے کی وجہ سے سینیٹ کی نشست پر حلف نہیں لے سکے تھے۔