بانی پی ٹی آئی عمران خان کی آنکھ کی تکلیف میں نمایاں کمی آئی ہے، نجی نیوز چینل کا دعویٰ

عمران خان کی آنکھ کی تکلیف میں بہتری

راولپنڈی (ڈیلی پاکستان آن لائن) نجی نیوز چینل جیو نیوز نے دعویٰ کیا ہے کہ بانی پاکستان تحریک انصاف (پی ٹی آئی) عمران خان کی آنکھ کی تکلیف میں نمایاں کمی آئی ہے۔

یہ بھی پڑھیں: سعودی عرب میں عید الاضحیٰ کب ہوگی؟

بہتری کی امید

عمران خان کے آنکھ کے علاج سے مزید بہتری کی امید ظاہر کی گئی ہے، جبکہ ان کے طبی معائنے کی رپورٹ متعلقہ حکام کو بھیج دی گئی ہے۔

یہ بھی پڑھیں: ذہنی دباؤ کی وجہ سے دل کا معمولی دورہ پڑا، انجیوگرافی کرانی پڑی: صبا قمر کا انکشاف

ڈاکٹرز کی ٹیم کا معائنہ

جیو نیوز کے مطابق، 5 سینیئر ڈاکٹرز نے آج اڈیالہ جیل میں بانی پی ٹی آئی کا چیک اپ کیا۔ ڈاکٹرز کی ٹیم میں ماہرین امراض چشم شامل تھے جن میں ڈاکٹر فاروق، ڈاکٹر سکندر اور ڈاکٹر عارف بھی شامل تھے۔

چیک اپ کی تفصیلات

ڈاکٹروں کی ٹیم خاص طور پر آنکھوں کا معائنہ کرنے والے آلات اپنے ساتھ لائی تھی اور ٹیم میں ٹیکنیشن بھی شامل تھے۔ میڈیکل ٹیم پی ٹی آئی قیادت کا جیل میں ڈھائی گھنٹے تک انتظار کرتی رہی، تاہم پی ٹی آئی کے کسی رہنما کے نہ پہنچنے پر میڈیکل ٹیم نے عمران خان کا معائنہ کیا۔