امن کی کوششوں میں پاکستان تحریک انصاف سب سے آگے نظر آئے گی، بیرسٹر گوہر

چیئرمین تحریک انصاف کے اہم تحفظات

اسلام آباد (ڈیلی پاکستان آن لائن) چیئرمین تحریک انصاف بیرسٹر گوہرعلی خان کا کہنا ہے کہ پی ٹی آئی قیام امن کی کوششوں میں صف اول میں نظر آئے گی، جرگے میں اہم قومی نوعیت کے نکات پر تمام جماعتوں میں اتفاق ہوگیا ہے۔

یہ بھی پڑھیں: امریکی بحریہ کے افسران کو رشوت دینے والے ملزم کو 15 سال قید کی سزا

امن جرگے کی اہمیت

سما نیوز سے گفتگو کرتے ہوئے بیرسٹر گوہر نے کہا کہ پشاور میں امن جرگے میں پی ٹی آئی کی نمائندگی کا موقع ملا ہے۔ اس جرگے میں اہم قومی نوعیت کے نکات پر تمام جماعتوں میں اتفاق ہوا ہے، اور پی ٹی آئی قیام امن کی کوششوں میں صف اول میں نظر آئے گی۔

یہ بھی پڑھیں: جب ایک برطانوی فوجی افسر نے پاکستان کے حق میں بغاوت کی

تمام جماعتوں کا مشترکہ عزم

بیرسٹر گوہر علی خان کا کہنا ہے کہ خیبرپختونخوا امن جرگے میں تمام جماعتیں مشترکہ کوششوں پر متفق ہوگئیں ہیں۔ اس اتفاق کے تحت آئندہ اسٹیبلشمنٹ سمیت کسی ملکی ادارے کے خلاف نعرے نہیں لگیں گے، اور قومی پرچم کے تقدس اور آئین کے احترام کی سب جماعتیں پابندی کریں گی۔ تمام سیاسی جماعتیں قیام امن کے لیے اختلافات کو پس پشت ڈال کر کام کریں گی۔

پاکستان کا مستقبل

چیئرمین پاکستان تحریک انصاف نے مزید کہا کہ سب متفق ہیں کہ پاکستان کی سرزمین پر سبز ہلالی پرچم ہی سربلند ہوگا۔ سیاسی جماعتوں پر مشتمل کمیٹی مستقل طور پر کام کرے گی اور وفاق اور صوبائی حکومتوں کو تجویزیں پیش کرے گی۔ صوبے سمیت ملک میں امن و امان کا قیام تحریک انصاف کا مشن ہے۔