فرح گوگی اور شوہر کے خلاف سرکاری زمین فروخت کرنے پر ایک اور مقدمہ درج

گوجرانوالہ میں نئے مقدمے کی خبر

گوجرانوالہ (ڈیلی پاکستان آن لائن) فرح گوگی اور ان کے شوہر احسن جمیل کے خلاف سرکاری زمین فروخت کرنے پر ایک اور مقدمہ درج کر لیا گیا ہے۔

یہ بھی پڑھیں: متحدہ عرب امارات میں رہنے والی کاروباری اور سرمایہ کاروں نے امریکہ پر کڑی تنقید شروع کر دی ہے، بلومبرگ

مقدمہ کی تفصیلات

دوسرا مقدمہ بھی دھوکہ دہی کی دفعات کے تحت تھانہ صدر گوجرانوالہ میں درج کیا گیا۔ ایف آئی آر میں (ن) لیگ کے ایم پی اے قیصر اقبال سندھو کو بھی ملزم نامزد کیا گیا ہے۔ یہ مقدمہ جی ڈی اے کے سٹیٹ آفیسر مرزا بابر کی مدعیت میں درج ہوا۔

یہ بھی پڑھیں: گلوکارہ قرۃ العین بلوچ کا ریچھ کے حملے کے بعد پہلا ردعمل سامنے آگیا

ملزمان کی فہرست

’’جنگ‘‘ کے مطابق ایف آئی آر کے حوالے سے ملزمان نے پارکس، سکول اور قبرستان کے لئے مختص اراضی کو فروخت کیا۔ اس ایف آئی آر میں احسن جمیل گجر کے چچا، کزن اور سوسائٹی منیجر و عملہ بھی نامزد ہیں۔

یہ بھی پڑھیں: معلوم ہے ایران کا افزودہ یورینیئم کہاں دفن ہے، حملوں کا اثر پوری دنیا پر پڑا: نیتن یاہو

پہلا مقدمہ بھی درج

واضح رہے کہ فرح گوگی اور ان کے شوہر کے خلاف ایک روز قبل بھی مقدمہ درج ہوا تھا۔ پہلے مقدمے میں احسن جمیل گجر کے والد اقبال گجر کو بھی ملزم نامزد کیا گیا تھا۔