سعودی ولی عہد محمد بن سلمان کی رمضان المبارک کے پہلے جمعہ کی صبح مسجد نبوی آمد، نماز ادا کی
سعودی ولی عہد کی مسجد نبوی شریف میں زیارت
مدینہ منورہ (محمد اکرم اسد) سعودی ولی عہد و وزیر اعظم شہزادہ محمد بن سلمان بن عبد العزیز آل سعود نے ماہ رمضان المبارک کے پہلے جمعہ کی صبح مسجد نبوی شریف ﷺ کی زیارت کی اور نماز ادا کی۔
یہ بھی پڑھیں: کوکنگ آئل کی قیمت نے عوام کے ہوش اُڑا دیئے
روضہ رسولﷺ پر حاضری
اس موقع پر انہوں نے روضہ رسولﷺ پر حاضری دی اور آپ ﷺ پر ہدیہ درود و سلام پیش کیا۔ اس کے بعد ولی عہد نے آپ ﷺ کے جلیل القدر صحابہ کرام و خلفہ راشدین حضرت ابوبکر صدیقؓ اور حضرت عمر فاروقؓ پر بھی سلام عرض کیا۔
یہ بھی پڑھیں: سولر پینل بنانے والی کمپنی Inverex نے پاکستان میں اپنی پہلی گاڑی لانچ کر دی
استقبال کا موقع
مدینہ منورہ میں مسجد النبوی پہنچنے پر ولی عہد شہزادہ محمد بن سلمان بن عبدالعزیز آل سعود کا استقبال حرمین شریفین انتظامیہ کے سربراہ امام وخطیب حرم کعبہ فضیلتہ الشیخ ڈاکٹر عبد الرحمٰن السدیس، وزیر حج و عمرہ ڈاکٹر توفیق بن فوزان الربیعہ، اور مسجد نبویﷺ شریف کے آئمہ کرام اور خطباء کرام نے کیا۔
ہمراہ موجود حکام
ولی عہد شہزادہ محمد بن سلمان کے ہمراہ مدینہ منورہ کے گورنر شہزادہ سلمان بن سلطان بن عبدالعزیز، وزیر مملکت اور کابینہ کے رکن شہزادہ ترکی بن محمد بن فہد بن عبدالعزیز اور متعدد دیگر حکام بھی موجود تھے۔
