گیس بندش کی شکایات پر سوئی سدرن کا مؤقف

کراچی میں گیس بندش کی صورتحال

کراچی (دیلی پاکستان آن لائن) - گیس بندش کی شکایات پر سوئی سدرن کا مؤقف آ گیا۔

سوئی سدرن کا موقف

تفصیلات کے مطابق، سوئی سدرن نے کراچی شہر کے مختلف علاقوں میں گیس بندش کے دعوے کو بے بنیاد قرار دے دیا۔ سوئی سدرن کے اعلامیے کے مطابق شہر کے مختلف علاقوں میں گیس بندش کے دعوے درست نہیں ہیں اور شہر میں گیس سپلائی کی مجموعی صورتحال مستحکم ہے۔

شکایات کا جائزہ

’’جیو نیوز‘‘ کے مطابق، اعلامیے میں کہا گیا ہے کہ مختلف علاقوں میں گیس بندش کی شکایت 1199 پر موصول نہیں ہوئیں۔ بعض گھروں میں کمپریسر کے استعمال کی وجہ سے دیگر کو گیس قلت کا سامنا ہوسکتا ہے۔

ماہ رمضان میں گیس کی ضرورت

سوئی سدرن نے مزید کہا کہ ماہ رمضان میں گیس کا استعمال زیادہ ہوتا ہے۔ سوئی سدرن سحر 3 بجے سے رات ساڑھے 10 بجے تک گیس سپلائی کی بھرپور کوشش کر رہا ہے۔