شرارت کی نہیں قائد اعظم کی سیاست کریں گے ہم سیاسی لوگ ہیں مل بیٹھ کر مسائل کو حل کریں گے، گورنر سندھ نہال ہاشمی

گورنر سندھ کا پیغام

کراچی (ڈیلی پاکستان آن لائن) گورنر سندھ نہال ہاشمی نے کہا ہے کہ شرارت کی نہیں قائد اعظم کی سیاست کریں گے۔ سندھ کی ترقی کے نقش قدم پر چلیں گے، ہمارے آباؤ اجداد نے بہت قربانیاں دی ہیں۔

یہ بھی پڑھیں: ہم نے اپنی 78سالہ تاریخ میں بہت غلطیاں کیں لیکن افغانوں کی مہمان نوازی سب سے بڑی غلطی ہے، خواجہ محمد آصف

مسائل کا حل

مزار قائد پر میڈیا سے گفتگو کرتے ہوئے اُنہوں نے کہا کہ ہم سیاسی لوگ ہیں مل بیٹھ کر مسائل کو حل کریں گے، ایم کیو ایم والے ہمارے پاکستانی ہیں، ہم ان کو پہلے بھی مناتے رہے ہیں۔ ناراضگی چھوٹی چیز ہے، ان کو منا لیں گے۔ میرے آنے سے پہلے گورنر سندھ اپنے پروگرام سمیٹ چکے ہیں۔

یہ بھی پڑھیں: چہلم حضرت امام حسینؓ پر سندھ میں تعلیمی اداروں میں چھٹی کا اعلان

تعلیمی ترقی کا وعدہ

ہم سندھ میں بڑے پیمانے پر لیپ ٹاپ دے چکے ہیں، وزیراعظم یوتھ پروگرام کے تحت لیپ ٹاپ سکیم کا دائرہ وسیع کریں گے، مزید سندھ میں 20 ہزار لیپ ٹاپ دیں گے۔ جب میں گورنر ہاؤس پہنچا ہوں تو راشن وغیرہ وہ سب پہلے سے سمیٹ چکے ہیں، وفاق کے ادارے فعال ہوں گے، مریم نواز کے نقشِ قدم پر چلیں گے۔

یہ بھی پڑھیں: لاہور ہائیکورٹ کے حکم پر سی سی ڈی کی تحویل سے 5 سالہ بچی بازیاب کروانے کے بعد دادی کے حوالے کر دی گئی۔

سندھ کے لوگوں کے لیے پیغام

ایمانداری اور خلوص سے خدمت کی جائے تو نواز شریف جیسا نتیجہ نکلتا ہے۔ آج کے دن سندھ کے لوگوں کو پیغام دینا چاہتا ہوں کہ سیاسی جدوجہد کو آگے بڑھائیں گے۔

قائد اعظم کی جدوجہد

گورنر سندھ کا مزید کہنا تھا کہ قائد اعظم کو خراجِ عقیدت پیش کرتے ہیں، اُن کی جدوجہد کی وجہ سے پاکستان معروض وجود میں آیا۔ آج جو مواقع ملے ہیں وہ بانی پاکستان کی وجہ سے ملے ہیں۔