مٹھی سول ہسپتال کے سینئر میڈیکل آفیسر نے مبینہ طور پر خودکشی کرلی
خودکشی کا واقعہ
مٹھی (ڈیلی پاکستان آن لائن) مٹھی سول ہسپتال کے سینئر میڈیکل آفیسر عبدالکریم شیخ نے ہسپتال کے کوارٹر میں مبینہ طور پر خودکشی کر لی۔
یہ بھی پڑھیں: مسلم لیگ (ن) کے رہنما عابد شیر علی بلامقابلہ سینیٹر منتخب
پولیس کی تحقیقات
نجی ٹی وی چینل دنیا نیوز کے مطابق، پولیس کا کہنا ہے کہ سینئر میڈیکل آفیسر نے سول ہسپتال مٹھی کی انتظامیہ کے خلاف آئی جی سندھ کو خط لکھ کر بھیجنے کے بعد ہسپتال کے کوارٹرز میں گلے میں پھندا ڈال کر خودکشی کی۔
یہ بھی پڑھیں: آپریشن غضب للحق: کرم سیکٹر میں افغان طالبان و فتنہ الخوارج کی متعدد پوسٹیں تباہ
لاش کا پوسٹ مارٹم
اطلاع پر ڈی ایس پی مٹھی ماجد قائم خانی اور ایس ایچ او مٹھی نے پہنچ کر لاش اتار کر پوسٹ مارٹم کے لئے مردہ خانے منتقل کر دی۔
یہ بھی پڑھیں: کشمیر کمیٹی جدہ کا بیرسٹر سلطان محمود چوہدری کے انتقال پر اظہار افسوس
انتظامیہ کی خاموشی
خودکشی کرنے سے پہلے سینئر میڈیکل آفیسر ڈاکٹر عبدالکریم شیخ نے مقامی صحافی کو بھی خودکشی کرنے کی اطلاع دی۔ معاملہ انتظامیہ تک پہنچایا گیا مگر انتظامیہ نے کوئی ایکشن نہیں لیا۔
یہ بھی پڑھیں: ملک بھر میں 8 محرم الحرام کے جلوس: سیکیورٹی کے سخت انتظامات
خط میں الزامات
سینئر میڈیکل آفیسر ڈاکٹر عبدالکریم شیخ نے خودکشی سے قبل ایک خط تحریر کیا، جو آئی جی سندھ کے نام پر لکھا ہوا ہے، جس میں انہوں نے کہا کہ مجھ پر میل نرس کو جنسی زیادتی کا نشانہ بنانے کا الزام لگا کر سول ہسپتال مٹھی کی انتظامیہ نے میری تذلیل کی ہے۔
یہ بھی پڑھیں: سانحہ اے پی ایس کو 10 سال مکمل: صدر، وزیراعظم سمیت دیگر رہنماؤں کے اہم پیغام
ذمہ داران کا ذکر
ڈاکٹر عبدالکریم شیخ نے خط میں لکھا کہ میری خودکشی کے ذمہ دار سول سرجن ڈاکٹر ہریش کمار جگانی، ڈاکٹر عبدالمالک نہڑیوں، ڈاکٹر موہن لال، سٹاف کے تین افراد برکت ہنگورجو، منٹھار بھیل اور سردار ہیں۔
انتظامیہ کے خلاف کارروائی کی درخواست
خودکشی کرنے والے سینئر میڈیکل آفیسر ڈاکٹر عبدالکریم شیخ نے خط میں شکایات کیں کہ مجھ پر ظلم کرنے والوں کے خلاف کارروائی کی جائے۔
