کراچی میں بارش کے دوران حادثات، 17 افراد لقمۂ اجل بن گئے ، 7 زخمی

بارش کے دوران کراچی میں حادثات

کراچی (ڈیلی پاکستان آن لائن) کراچی میں بارش کے دوران مختلف حادثات میں 17 افراد جاں بحق ہوگئے جبکہ 7 افراد زخمی ہوئے۔ لاشوں اور زخمیوں کو ہسپتال منتقل کردیا گیا۔

یہ بھی پڑھیں: ریل کا سفر آرام دہ تھا اور رومانٹک بھی، ہم بھی بیوی والے ہو گئے تھے، وہ تھی بھی میرا چاند ہی، جیتا جاگتا، ہنستا مسکراتا، گاتا چاند، بھرے گھر سے آئی تھی۔

حادثات کی تفصیلات

تفصیلات کے مطابق ریسکیو حکام نے بتایا ہے کہ بلدیہ مواچھ گوٹھ کے قریب دیوار گرنے سے 11 افراد جاں بحق ہوئے جبکہ اسی مقام پر ریسکیو ٹیمیں مزید افراد کی تلاش جاری رکھے ہوئے ہیں۔ ایس ایس پی کیماڑی سنگھار ملک نے کہا کہ دوسری منزل کی چھت پہلی منزل پر گری، یہ رہائشی عمارت نہیں ہے۔ پولیس نفری موقعے پر پہنچ گئی ہے، سرچ اور ریسکیو آپریشن جاری ہے جبکہ مزید افراد کے دبے ہونے کا خدشہ ہے۔

یہ بھی پڑھیں: بھارتی وزیر خارجہ ڈاکٹر جے شنکر کے پاکستان دورے پر اہم بیان

دیگر مقامات پر حادثات

’’جنگ‘‘ کے مطابق لانڈھی اور مجید کالونی میں دیوار گرنے سے خاتون اور مرد جاں بحق ہوئے ہیں جبکہ ملیر ندی یارو گوٹھ کے قریب آسمانی بجلی گرنے سے 1 شخص جاں بحق ہوا۔ اسی طرح، شاہ لطیف ٹاؤن مرغی خانہ کے قریب بھی آسمانی بجلی گرنے سے ایک شخص جاں بحق ہوا۔

یہ بھی پڑھیں: شوگر سیس کا نفاذ، پنجاب میں چینی مہنگی ہونے کا امکان

مزید نقصانات

حکام کے مطابق کورنگی ساڑھے 3 میں گھر کی چھت گرنے سے خاتون اور کورنگی 5 نمبر میں درخت گرنے سے 1 شخص جاں بحق ہوئے ہیں۔ بارش کے دوران مختلف واقعات میں 7 افراد زخمی ہوئے ہیں، لاشوں اور زخمیوں کو اسپتال منتقل کردیا گیا ہے۔

یہ بھی پڑھیں: حکومت مساجد کو مسلم کلچرل سینٹر/کمیونٹی سینٹر کی شکل دے، تمام مسلمانوں کو بلا تفریق قرآن و سنت کی برکات سے فیض یاب ہونے کے مواقع فراہم کیے جائیں

موسمی اثرات

تیز ہوا اور بارش کے دوران مائی کولاچی میں بل بورڈ گر گیا جبکہ شارع فیصل پر مختلف جگہوں پر بارش کا پانی جمع ہے اور ٹریفک کی روانی متاثر ہے۔

بجلی کی بندش

نیو ملیر کے علاقے مکینوں کا کہنا ہے کہ بارش شروع ہوتے ہی بجلی کی فراہمی معطل ہوگئی۔