پاکستان ریلوے کا رعایتی پالیسی میں بڑی تبدیلی کا فیصلہ، تمام رعایتوں پر 50 فیصد کی حد مقرر کر دی گئی

پاکستان ریلوے کی رعایتی پالیسی میں تبدیلی

لاہور (ڈیلی پاکستان آن لائن) پاکستان ریلوے نے رعایتی پالیسی میں بڑی تبدیلی کا فیصلہ کیا ہے، جس کے تحت ریلوے کی تمام رعایتوں پر 50 فیصد کی حد مقرر کر دی گئی ہے۔

یہ بھی پڑھیں: گلگت بلتستان اسمبلی میں ہنگامہ، حکومتی رکن فضل رحیم نے اپوزیشن رہنما نواز خان کو چپل دے ماری

نئی پالیسی کا نوٹیفکیشن

وفاقی وزیر ریلوے کی ہدایت پر نئی پالیسی کا نوٹیفکیشن جاری کر دیا گیا ہے۔ اس کے مطابق، صحافیوں کے لیے ریلوے رعایت 80 فیصد سے کم کر کے 50 فیصد کر دی گئی ہے، اور صحافی سال میں صرف 10 سنگل سفروں پر رعایت حاصل کر سکیں گے۔

یہ بھی پڑھیں: یہ دل توڑنے والا منظر اور بڑا سرپرائز تھا، جس احساس برتری کے ساتھ سرکاری ملازمت میں داخل ہوا تھا اس کا پارہ دوسری بار صفر سے نیچے گر گیا تھا۔

رعایتیں ختم اور مستثنیات

صحافیوں کے شریکِ حیات کو ملنے والی 50 فیصد رعایت فوری طور پر ختم کر دی گئی ہے۔ مزید برآں، گرین لائن، پاک بزنس اور شاہ حسین ایکسپریس پر رعایت دستیاب نہیں ہوگی۔ تمام آؤٹ سورسڈ ٹرینیں بھی نئی رعایتی پالیسی سے مستثنیٰ قرار دی گئی ہیں۔

مالی بحران اور کفایت شعاری مہم

ریلوے حکام کا کہنا ہے کہ رعایتوں میں کمی کا فیصلہ ملک میں جاری مالی بحران اور کفایت شعاری مہم کے تحت کیا گیا ہے۔ نئی پالیسی کا مقصد تمام کیٹیگریز کے لیے یکساں نظام وضع کرنا ہے۔ سی ای او پاکستان ریلوے کی منظوری کے بعد نوٹیفکیشن تمام ڈویژنز کو ارسال کر دیا گیا ہے۔