پیٹرولیم مصنوعات کی قیمتوں میں ردوبدل کا اعلان متوقع

پیٹرولیم مصنوعات کی قیمتوں میں تبدیلی کا امکان

اسلام آباد (ڈیلی پاکستان آن لائن) پیٹرولیم مصنوعات کی قیمتوں میں ہفتہ وار ردوبدل کا اعلان متوقع ہے۔

یہ بھی پڑھیں: ستاروں کی روشنی میں آپ کا آج (جمعہ) کا دن کیسا رہے گا؟

سابقہ قیمتوں کا جائزہ

’’جنگ‘‘ نے ذرائع کے حوالے سے بتایا ہے کہ 14 مارچ کو وفاقی حکومت نے ایک ہفتہ کیلئے 23 ارب روپے کا بوجھ اٹھایا تھا۔ وفاقی حکومت نے 14 سے 20 مارچ تک پیٹرول و ڈیزل کی قیمت برقرار رکھی تھی۔ 14 مارچ کو پیٹرول کی قیمت میں 49 روپے 63 پیسے فی لیٹر کا اضافہ اور ڈیزل کی قیمت میں 75 روپے 5 پیسے فی لیٹر کا اضافہ روکا گیا تھا۔

یہ بھی پڑھیں: وہاڑی، پولیس کا قحبہ خانے پر چھاپہ، 9 افراد گرفتار

متوقع قیمتیں

ذرائع کے مطابق آئندہ ہفتے کیلئے بھی پیٹرول اور ڈیزل کی قیمت برقرار رہ سکتی ہے، وفاقی حکومت آئندہ ہفتے کیلئے بھی پرائس ڈیفرنشیل کلیم اٹھا سکتی ہے۔ پیٹرول کی موجودہ فی لیٹر قیمت میں 121 روپے 77 پیسے صرف ٹیکس ہے، فی لیٹر پیٹرول کی قیمت میں اس وقت 38 فیصد ٹیکس شامل ہے۔

قیمتوں میں متوقع تبدیلی

وفاقی حکومت کو پیٹرول کی فی لیٹر قیمت میں 29 روپے اضافے جبکہ ڈیزل کی فی لیٹر قیمت میں 49 روپے اضافے کی سمری بھیجی گئی ہے، قیمتوں میں ردوبدل کا حتمی فیصلہ وزیراعظم شہباز شریف کریں گے۔