علی لاریجانی کی شہادت کے بعد ایران کی سپریم نیشنل سیکیورٹی کونسل کے نئے سربراہ کا اعلان کر دیا گیا

ایران کی سپریم نیشنل سیکیورٹی کونسل کا نیا سربراہ

تہران (مانیٹرنگ ڈیسک) علی لاریجانی کی شہادت کے بعد ایران کی سپریم نیشنل سیکیورٹی کونسل کے نئے سربراہ کا اعلان کر دیا گیا۔

محمد باقر ذوالقدر کی تعیناتی

تفصیلات کے مطابق ایران نے محمد باقر ذوالقدر کو سپریم نیشنل سیکیورٹی کونسل کا نیا سربراہ مقرر کردیا ہے۔ باقر ذوالقدر پاسداران انقلاب کے کمانڈر ہیں اور ایران کے حکومتی ڈھانچے میں کئی اہم عہدوں پر خدمات انجام دے چکے ہیں۔

پیشہ ورانہ تجربات

انہوں نے 2020ء تک 8 سال ڈپٹی چیف آف سٹریٹیجی آف جوڈیشری کے طور پر کام کیا ہے۔ وہ پاسداران انقلاب کے چیف آف جوائنٹ سٹاف اور اس سے پہلے ڈپٹی کمانڈر ان چیف بھی رہ چکے ہیں۔

دیگر اہم عہدے

انہوں نے وزارت داخلہ میں ڈپٹی چیف آف سیکیورٹی اینڈ لا انفورسمنٹ کے طور پر بھی خدمات انجام دی ہیں۔