گورنر سندھ سے کاروباری وفد کی ملاقات، معیشت کی بحالی پر اتفاق

گورنر سندھ سے کاروباری شخصیات کی ملاقات

کراچی(ڈیلی پاکستان آن لائن) گورنرسندھ نہال ہاشمی سے کاروباری شخصیات کے وفد نے ملاقات کی جس میں معاشی امور اور باہمی دلچسپی کے معاملات پر تفصیلی تبادلہ خیال کیا گیا۔

یہ بھی پڑھیں: منڈی سے قربانی کے بکرے رکشے میں لوڈ کر کے فرار ہونے والا ملزم گرفتار کر لیا گیا

سرمایہ کاری کے فروغ پر گفتگو

نجی ٹی وی چینل دنیا نیوز کے مطابق ملاقات کے دوران سرمایہ کاری کے فروغ، کاروباری ماحول کی بہتری اور پائیدار معاشی استحکام پر غور کیا گیا، جبکہ صنعتی و تجارتی سرگرمیوں کے فروغ اور برآمدات میں اضافے کے امکانات کا جائزہ بھی لیا گیا۔

یہ بھی پڑھیں: خیبرپختونخوا شدید بدامنی کا شکار ہے، کسی بڑے ترقیاتی منصوبے کا نام تک نہیں لیا جا سکتا، بے روزگاری اور مایوسی بڑھ رہی ہے، سراج الحق

معیشت کی بحالی اور مشترکہ حکمت عملی

اس موقع پر معیشت کی بحالی، سرمایہ کاری میں اضافہ اور روزگار کے مواقع کیلئے مشترکہ حکمت عملی پر اتفاق کیا گیا۔

یہ بھی پڑھیں: کوئی بیماری کا بہانہ بنا کر سزاؤں میں معافی چاہتا ہے تو بھول جائے، وزیر ریلوے

وفد کا اعتماد اور گورنر کا پیغام

گورنر سندھ نے سرمایہ کاروں کو سازگار ماحول، سہولیات اور مکمل تحفظ کی یقین دہانی کرائی، وفد نے حکومتی پالیسیوں پر مکمل اعتماد، نجی و سرکاری شعبے میں روابط کے فروغ پر زور دیا۔

یہ بھی پڑھیں: پاکستان نے جن طالبان کیلئے الزامات برداشت کئے، آج وہی بھارت کیساتھ کھڑے ہیں: خواجہ آصف

وزیر اعظم کے وژن کی اہمیت

اس موقع پر گورنر سندھ نہال ہاشمی کا کہنا تھا کہ وزیراعظم شہباز شریف کے معاشی بحالی کے وژن کو عالمی سطح پر سراہا جا رہا ہے، قائد نواز شریف نے ہمیشہ کاروباری طبقے کیلئے سازگار پالیسیاں متعارف کرائیں۔

کفایت شعاری کی ضرورت

انہوں نے کہا کہ سادگی اور کفایت شعاری کو فروغ دینا وقت کی اہم ضرورت ہے، موجودہ حالات میں کفایت شعاری ہم سب کی مشترکہ ذمہ داری ہے۔