گرج چمک کے ساتھ بارشوں کے نئے سلسلے کی پیشگوئی

نئی بارشوں کی پیشگوئی

اسلام آباد(ڈیلی پاکستان آن لائن)محکمہ موسمیات نے کل سے ملک بھر میں گرج چمک کے ساتھ بارشوں کے نئے سلسلے کی پیشگوئی کر دی ہے۔

یہ بھی پڑھیں: لوئر دیر میں قومی کرکٹر نسیم شاہ کے حجرے پر فائرنگ، پولیس نے مقدمہ درج کر لیا

بلوچستان میں طوفانی بارشوں کا امکان

نجی ٹی وی چینل ہم نیوز کے مطابق بلوچستان میں کل شام سے صوبے کے مغربی اضلاع میں طوفانی بارشوں اور ژالہ باری کا امکان ہے، جس کے باعث نشیبی علاقوں میں پانی جمع ہونے کا خدشہ ظاہر کیا گیا ہے۔

یہ بھی پڑھیں: ویڈیو: بھارتی میڈیا ہی بھارتیوں کا سب سے بڑا دشمن بن گیا؟ کیا اور کس طرح نقصان پہنچایا؟

خیبرپختونخوا میں شدید بارش کی توقع

محکمہ موسمیات نے کل سے خیبرپختونخوا میں بھی بارشوں کے نئے سلسلے کے شروع ہونے کی پیشگوئی کر دی ہے، خیبرپختونخوا میں 6 سے 9 اپریل کے دوران پشاور، سوات، چترال اور دیگر اضلاع میں شدید بارش کی پیشگوئی کی گئی ہے، جس سے مقامی ندی نالوں میں طغیانی کا خطرہ بڑھ سکتا ہے۔

یہ بھی پڑھیں: افسوس پیسے کی چمک، رشتوں کی قدر اور احساس بھی بھلا دیتی، باہر جانے والوں میں اکثر یت غریب گھرانوں سے تھی، وہاں جاکر جم کر محنت کرتے۔

پنجاب کے بڑے شہروں میں بارش

پنجاب کے بڑے شہروں لاہور، مری، راولپنڈی اور اسلام آباد میں 6 اپریل کی رات سے بارش اور ژالہ باری متوقع ہے جبکہ تیز ہواؤں کے باعث درجہ حرارت میں نمایاں کمی کا امکان بھی ظاہر کیا گیا ہے۔

یہ بھی پڑھیں: ایک قوم، ایک شناخت، مائیکرو چپ ختم، حکومت نے قومی شناختی کارڈ اور پاکستان اوریجن کارڈ کے قواعد میں اہم ترامیم کی منظوری دیدی

مری میں سردی کی شدت میں اضافہ

اسلام آباد میں بارش کا سلسلہ آٹھ اپریل تک جاری رہنے کی توقع ہے، مری میں آئندہ 24 گھنٹوں میں مزید بارش کا امکان ہے، ٹھنڈی اور تیز ہواؤں سے سردی کی شدت میں اضافہ ہو گیا ہے، مری میں بادلوں اور دھوپ کا آنکھ مچولی کا سلسلہ جاری ہے۔

سندھ اور دیگر علاقائی موسمی حالات

سندھ کے شہروں کراچی، حیدرآباد اور سکھر میں بھی 6 اپریل کو گرج چمک کے ساتھ بارش کا امکان ظاہر کیا گیا ہے، دوسری جانب گلگت بلتستان اور کشمیر میں برفباری اور لینڈ سلائیڈنگ کے خدشات کے پیش نظر سیاحوں کو محتاط رہنے کی ہدایت کی گئی ہے。