گزشتہ 24 گھنٹوں میں 15 جہاز آبنائے ہرمز سے گزرے ہیں، ایرانی میڈیا

بحری جہازوں کی آمد و رفت

تہران (ڈیلی پاکستان آن لائن) ایران کی پاسدارانِ انقلاب سے وابستہ نیم سرکاری خبر رساں ایجنسی فارس کا کہنا ہے کہ گذشتہ 24 گھنٹوں میں ایران کی اجازت سے 15 جہاز آبنائے ہرمز سے گزرے ہیں۔

یہ بھی پڑھیں: ملک کے 20 اضلاع کے 25 سیوریج سیمپلز میں پولیو وائرس ون کی تصدیق

بحری ٹریفک کی صورتحال

فارس کی خبر کے مطابق، بحری ٹریفک اب بھی جنگ سے پہلے کے مقابلے میں 90 فیصد کم ہے۔

یہ بھی پڑھیں: تحریک انصاف کے کارکنوں کی لاشیں کون چھپا رہے تھے ، مطیع اللہ جان کیخلاف مقدمہ کس کے حکم پر بنا ۔۔؟ حامد میر نے تہلکہ خیز انکشافات کر دیئے

ایرانی حکام کی وضاحت

ایرانی حکام، جن میں وزیرِ خارجہ عباس عراقچی بھی شامل ہیں، بارہا کہہ چکے ہیں کہ جہاز رانی کی یہ اہم گزرگاہ ’بند نہیں‘، بلکہ صرف ’دشمن ممالک‘ کے لیے بند ہے۔

یہ بھی پڑھیں: جنگ اور آبنائے ہرمز میں کشیدگی کے باوجود ایران کی تیل سے یومیہ آمدن کتنے ملین ڈالرز تک پہنچ گئی۔۔؟ جان کر آپ حیران رہ جائیں

عراق کے لیے استثنیٰ

مثال کے طور پر، ایران کے خاتم الانبیا سینٹرل ہیڈکوارٹر کے ترجمان نے گذشتہ روز اعلان کیا تھا کہ عراق ان تمام پابندیوں سے مستثنی ہے جو دیگر ممالک پر عائد کی جا رہی ہیں۔

یہ بھی پڑھیں: بغیر ادویات کے جسم سے کولیسٹرول کو کیسے ختم کیا جائے؟

نئی فیس کے نفاذ کا امکان

ادھر ایرانی حکام اور قانون سازوں نے آبنائے ہرمز استعمال کرنے والے بحری جہازوں پر ٹرانزٹ فیس یا ٹول ٹیکس عائد کرنے کے امکان کا بھی ذکر کیا ہے۔

ٹرانزٹ فیس کا مقصد

اس سے قبل ایرانی صدر کے ایک مشیر نے کہا تھا کہ آبنائے ہرمز ’تب دوبارہ کھولی جائے گی‘ جب ’ٹرانزٹ فیس کا ایک حصہ جنگ سے ہونے والے تمام نقصانات کے ازالے کے لیے استعمال کیا جائے گا‘۔