پاکستان، ایران ٹرانزٹ کوریڈور کا باقاعدہ آغاز ہوگیا، کراچی سے پہلی برآمدی کھیپ تاشقند روانہ

پاکستان - ایران ٹرانزٹ کوریڈور کا آغاز

کراچی (ڈیلی پاکستان آن لائن) پاکستان اور ایران کے درمیان ٹرانزٹ کوریڈور کا باقاعدہ آغاز ہو چکا ہے۔ کراچی سے پہلی برآمدی کھیپ تاشقند کے لیے روانہ کردی گئی ہے۔

یہ بھی پڑھیں: چین ماڈرن وار فیئر یونیورسٹی ہے، پاکستان وہاں پی ایچ ڈی کا طالب علم ہے اور بھارت ابھی پہلی جماعت میں داخلہ لینے کی کوشش کر رہا ہے، تجزیہ کار عثمان شامی

برآمدی سامان کی تفصیلات

’’جیو نیوز‘‘ کے مطابق، برآمدی سامان گوادر کے علاقے گبد سے ایرانی علاقے رمدان پہنچا، جہاں سے یہ سامان وسط ایشیاء کے ممالک تک پہنچے گا۔

یہ بھی پڑھیں: لاہور سے شیخوپورہ کے لیے 2 ڈبل ڈیکر بسوں کا آغاز

کسٹمز کا بیان

پاکستان کسٹمز کی جانب سے جاری کردہ بیان کے مطابق، پہلی برآمدی کھیپ میں منجمد گوشت شامل ہے۔ یہ سامان خصوصی ریفریجریٹڈ ٹرکوں کے ذریعے کراچی سے براستہ ایران، ازبکستان کے دارالحکومت تاشقند روانہ کیا گیا ہے۔

یہ بھی پڑھیں: لاہور چڑیا گھر میں تفریحی سہولتوں پر 50 فیصد ڈسکاؤنٹ

نئی تجارتی راہیں

ترجمان کے مطابق، ایران کے راستے وسط ایشیاء کے ممالک تک ایک نئے زمینی تجارتی راستے کا قیام عمل میں آیا ہے۔ پاکستان، ایران ٹرانزٹ کوریڈور ٹی آئی آر نظام کے تحت قائم کیا گیا ہے، جو ایران اور وسط ایشیائی ممالک تک برآمدات کے لیے ایک متبادل اور مؤثر زمینی راستہ فراہم کرے گا۔

تجارتی سرگرمیوں میں اضافہ

اس اقدام سے تجارتی سرگرمیوں میں اضافہ، ترسیلی وقت میں کمی، اور ملکی صنعت و تجارت کے لیے نئی راہیں ہموار ہو گئی ہیں۔