آئی ایم ایف نے پاکستان میں مہنگائی میں مسلسل کمی کی پیشگوئی کردی

آئی ایم ایف کی پیشگوئی: پاکستان میں مہنگائی میں کمی

اسلام آباد (ویب ڈیسک) عالمی مالیاتی ادارے ’آئی ایم ایف‘ نے پاکستان میں مہنگائی میں مسلسل کمی کی پیشگوئی کردی۔

یہ بھی پڑھیں: کھوکھر فیملی ن لیگ کا فخر، پارٹی کیلئے گرانقدر خدمات ہیں، نواز شریف

مہنگائی کی اوسط پیشن گوئی

جیونیوز کے مطابق آئی ایم ایف نے پاکستان میں مسلسل 5 سال اوسط مہنگائی سنگل ڈیجٹ میں رہنے کا تخمینہ لگایا ہے۔ عالمی مالیاتی ادارے نے رواں مالی سال حکومتی ہدف سے بھی مہنگائی کم رہنے کی پیشگوئی کی ہے۔ آئی ایم ایف کی توقع ہے کہ رواں مالی سال پاکستان میں مہنگائی سنگل ڈیجٹ میں 9.5 فیصد رہے گی۔

یہ بھی پڑھیں: کراچی: بیمار بیٹی کیلئے زیورات بیچ کر آنے والا شہری ڈکیتی مزاحمت پر قتل

حکومتی مہنگائی کا ہدف

یاد رہے کہ رواں مالی سال کے لیے حکومت نے اوسط مہنگائی کا ہدف ڈبل ڈیجٹ میں 12 فیصد مقرر کیا ہے۔ آئی ایم ایف کے مطابق پاکستان میں مالی سال 25-2026 میں اوسط مہنگائی 7.8 فیصد رہنے کا امکان ہے۔

آئندہ مالی سالوں کی پیشگوئی

آئی ایم ایف نے مالی سال 26-2027 کے لیے پاکستان میں اوسط مہنگائی کا تخمینہ 6.5 فیصد لگایا ہے۔ اسی طرح، آئی ایم ایف نے مالی سال 27-2028 اور 28-2029 میں بھی اوسط مہنگائی 6.5 فیصد رہنے کی پیشگوئی کی ہے۔