فخر زمان کیلئے مسائل بڑھ گئے، ایک اور پریشان کن خبر

فخرزمان کی فٹنس مسائل

کراچی (ڈیلی پاکستان آن لائن) قومی کرکٹ ٹیم کے کھلاڑی فخرزمان کا دورۂ آسٹریلیا کے لیے انتخاب دشوار نظر آنے لگا، گھٹنے میں مسائل کے باعث وہ فٹنس ٹیسٹ میں ناکام ہوچکے ہیں۔

یہ بھی پڑھیں: موبی لنک بینک نے پاکستان بینکنگ ایوارڈز 2024 میں ’بہترین مائیکروفنانس بینک‘ کا اعزاز حاصل کرلیا.

فخرزمان کی کارکردگی

نجی ٹی وی ایکسپریس نیوز کے مطابق فخرزمان کا شمار پاکستان کے بہترین جارح مزاج موجودہ بیٹرز میں ہوتا ہے، وہ ون ڈے میں ڈبل سنچری بھی بنا چکے ہیں، البتہ اپنی صاف گوئی کی وجہ سے ان دنوں مشکل میں ہیں۔

یہ بھی پڑھیں: صاحب کو بہت سی خصوصیات اپنے والد سے ورثہ میں ملی تھیں، آبائی گھر ہر لحاظ سے وسیع تھا، منشی جی سارے کاروبار کا حساب کتاب رکھتے تھے۔

آسٹریلیا کے دورے کے امکانات

ذرائع کا کہنا ہے کہ دورۂ آسٹریلیا کے لیے اسکواڈ میں فخر کا انتخاب مشکل ہوگا، وہ فٹنس ٹیسٹ میں ناکام ہوچکے ہیں۔ ویسٹ انڈیز سے طویل سفر کرکے واپس آتے ہی انھیں 8 منٹ میں 2 کلومیٹر دوڑ کا ٹاسک دیا گیا جسے وہ پورا نہیں کرپائے۔

یہ بھی پڑھیں: بیٹی کی شادی پر 4 ارب کی سلامی لینے والے بیوروکریٹ کا نام سینئر تجزیہ کار عامر راؤ سامنے لے آئے۔

ٹھوس معلومات

قریبی ذرائع کے مطابق فخر کو گھٹنے میں مسئلہ ہے، وہ میچ کھیلنے کے لیے فٹ اور ڈومیسٹک کرکٹ میں حصہ بھی لے رہے ہیں، البتہ گھٹنے پر اضافی بوجھ ڈالنے سے سنگین انجری کا شکار ہوسکتے ہیں۔

یہ بھی پڑھیں: وہ شخص جس کو باپ کے ایک تھپڑ نے اربوں کا مالک بنادیا، لیکن اب وہ کہاں اور کس حال میں ہے؟

سلیکشن میں مشکلات

گوکہ اب عاقب جاوید نے سلیکشن میں فٹنس کا کردار کم کردیا ہے، لیکن کنیکشن کیمپ میں این او سی کے حوالے سے فخرزمان نے جس صاف گوئی کا اظہار کیا تھا، اس سے بورڈ کے بعض بڑے (چیئرمین نہیں) خوش نہیں۔

یہ بھی پڑھیں: لاہور میں گن پوائنٹ پر ساڑھے8 لاکھ روپے اور آئی فون ڈکیتی کی 15 پر کال کرنے والا خود ہی واردات کا ماسٹر مائنڈ نکلا،ملزم گرفتار

بابر اعظم کا معاملہ

بابر اعظم کے حق میں ٹویٹ انھوں نے اسکواڈ کا اعلان ہونے سے قبل کی تھی، لیکن کچھ دیر بعد ہی اسٹار بیٹر کو ڈراپ کرنے کا اعلان سامنے آگیا۔ اس سے یہ لگا جیسے فخر نے فیصلے پر تنقید کی ہے۔ انھیں شوکاز نوٹس جاری کرتے ہوئے پیر تک جواب دینے کا وقت دیا گیا ہے۔

قیادت کی تجویز

بعض سابق کرکٹرز نے فخرزمان کو وائٹ بال میں قیادت سونپنے کی بھی تجویز دی تھی، مگر اب ٹیم میں جگہ بھی یقینی نہیں ہے۔ جمعرات کی شب تک ہونے والی میٹنگ میں سلمان علی آغا وائٹ بال کپتانی سنبھالنے کے لیے فیورٹ تھے، البتہ اب دوبارہ محمد رضوان دوڑ میں سب سے آگے نظر آتے ہیں۔