مشتاق احمد ایک بار پھر بنگلا دیش کرکٹ ٹیم کے سپن باولنگ کوچ مقرر

بنگلا دیش کرکٹ بورڈ کی نئے کوچ کی تقرری

لاہور ( ڈیلی پاکستان آن لائن ) بنگلا دیش کرکٹ بورڈ نے ایک بار پھر ٹیم کی کوچنگ کیلئے مشتاق احمد کی خدمات حاصل کرلیں۔

یہ بھی پڑھیں: کراچی: قبرستان سے خاتون کی صندوق بند ہاتھ پاوں بندھی لاش برآمد

مشتاق احمد کی ذمہ داریاں

بنگلا دیش کرکٹ بورڈ نے مشتاق احمد کو ٹیم کا سپن باولنگ کوچ مقرر کردیا۔ مشتاق احمد جنوبی افریقا کے خلاف دو ٹیسٹ میچز کی سیریز میں بنگلا دیش کے سپن باولنگ کوچ کے طور پر ذمہ داری نبھائیں گے۔

یہ بھی پڑھیں: سٹاک مارکیٹ:100 انڈیکس 216 پوائنٹس کم ہوکر 85 ہزار 453 پر بند

آپریشنز منیجر کا بیان

بنگلا دیش کرکٹ کے آپریشنز منیجر شہریار نفیس کا کہنا ہے کہ مشتاق احمد جب بھی دستیاب ہوں گے وہ سیریز بائی سیریز ہمارے ساتھ کام کریں گے۔

پہلا ٹیسٹ میچ

واضح رہے کہ جنوبی افریقا اور بنگلا دیش کے درمیان پہلا ٹیسٹ میچ 21 اکتوبر سے شروع ہو گا۔ یاد رہے کہ اس سے قبل مشتاق احمد نے اگست میں بنگلا دیش ٹیم کے دورہ پاکستان میں بھی ذمے داریاں نبھائی تھیں۔