ریمو ڈی سوزا اور اہلیہ پر 12 کروڑ روپے ہڑپنے کا مقدمہ درج

دھوکا دہی کا مقدمہ

ممبئی (ڈیلی پاکستان آن لائن) معروف کوریوگرافر ریمو ڈی سوزا اور ان کی اہلیہ لیزل ڈی سوزا کے خلاف مہاراشٹر میں 11 کروڑ 96 لاکھ روپے سے زائد کی دھوکا دہی کے الزام میں مقدمہ درج کر لیا گیا ہے۔

یہ بھی پڑھیں: ستاروں کی روشنی میں آپ کا آج (جمعرات) کا دن کیسا رہے گا؟

مدعی اور شکایت کی تفصیلات

بھارتی میڈیا کے مطابق ممبئی میں ریمو، ان کی اہلیہ اور دیگر پانچ افراد کے خلاف پولیس نے مقدمہ درج کیا ہے۔ یہ مقدمہ ایک 26 سالہ ڈانسر کی شکایت پر 16 اکتوبر کو میرا روڈ پولیس اسٹیشن میں درج کیا گیا۔ شکایت کے مطابق ریمو، لیزل اور دیگر افراد نے 2018 سے جولائی 2024 تک ایک ڈانس گروپ کے ساتھ دھوکا کیا۔

یہ بھی پڑھیں: رانی پور کمسن ملازمہ ہلاکت کیس، ہائیکورٹ کا مقدمہ واپس اے ٹی سی بھیجنے کا حکم

انعامی رقم کا ہڑپ لینا

گروپ نے ایک ٹیلی ویژن شو میں پرفارم کیا اور جیتا لیکن ملزمان نے گروپ کو اپنا ظاہر کرتے ہوئے انعامی رقم 11 کروڑ 96 لاکھ روپے سے زائد کی رقم ہڑپ لی۔
پولیس کے مطابق دیگر ملزمان میں اوم پرکاش شنکر چوہان، روہت جادھو، فریم پروڈکشن کمپنی، ونود راوت اور ایک پولیس اہلکار رمیش گپتا شامل ہیں۔ پولیس اس معاملے کی مزید تحقیقات کر رہی ہے۔

یہ بھی پڑھیں: سابق گورنر سندھ ڈاکٹر عشرت العباد کے بڑے بھائی انتقال کرگئے

ریمو ڈی سوزا کی معروفیت

ریمو ڈی سوزا پچھلے 15 سال سے ڈانس ریئلٹی شوز میں جج کے طور پر خدمات انجام دے رہے ہیں۔ انہوں نے "ڈانس انڈیا ڈانس"، "جھلک دکھلا جا"، "ڈانس پلس" اور "انڈیاز بیسٹ ڈانسر" جیسے مقبول شوز میں جج کے فرائض سرانجام دیے۔

مستقبل کے پروجیکٹس

ریمو جلد ہی اپنی فلم "بی ہیپی" کے ریلیز کی تیاری کر رہے ہیں، جس میں ابھیشیک بچن اور عنایت ورما نے اہم کردار ادا کیے ہیں۔ یہ فلم ایک سنگل والد اور اس کی بیٹی کی کہانی بیان کرتی ہے۔