سینیٹ کا اجلاس ملتوی ، آج سہ پہر کتنے بجے ہو گا ؟ جانیے

اسلام آباد میں سینیٹ اجلاس کی صورتحال

اسلام آباد (ڈیلی پاکستان آن لائن) آئینی ترمیم کے حوالے سے سینیٹ کا اجلاس آج دوپہر 3 بجے تک ملتوی کردیا گیا ہے۔ اس سے پہلے سینیٹ کا 4 مرتبہ ملتوی ہونے والا اجلاس رات 8 بجے کے بجائے 3 گھنٹے تاخیر سے ہوا اور پھر 12 بجے آدھے گھنٹے کے لیے ملتوی ہوا تھا۔

یہ بھی پڑھیں: وزیراعلیٰ پنجاب مریم نواز نے انا طولیہ ڈپلومیسی فورم میں گرلز ایجوکیشن کیلئے عالمی معاہدہ تشکیل دینے کی تجویز پیش کردی

قومی اسمبلی کا اجلاس

قومی اسمبلی کے اجلاس کا وقت بھی دوبارہ تبدیل کردیا گیا ہے، جو آج 3 بجے سہ پہر ہوگا۔

یہ بھی پڑھیں: سول کورٹس کے فیصلوں کے خلاف اپیلیں ضلعی عدالتوں کو بھیجنے کا معاملہ، ایڈیشنل رجسٹرار اسلام آباد ہائیکورٹ طلب

اجلاس کی عدم شرکت

"ایکسپریس نیوز" کے مطابق مقررہ وقت پر عملے نے اجلاس کے پیش نظر گھنٹیاں بجائیں، تاہم ڈیڑھ گھنٹے میں صرف 9 سینیٹر ایوان پہنچ سکے۔ اس دوران چیئرمین سینیٹ اور ڈپٹی چیئرمین بھی چیمبر سے غائب رہے۔ مسلم لیگ (ن) کے سینیٹر مصدق ملک 8 منٹ کی تاخیر سے پہنچے، تو ایوان خالی دیکھ کر نکل گئے جبکہ پیپلز پارٹی کی سینیٹر پلواشہ خان بھی ایک دروازے سے داخل ہوکر دوسرے سے واپس چلی گئیں۔

یہ بھی پڑھیں: سکولوں میں چھٹیوں میں اضافہ گرمی بڑھنے کے باعث کیا گیا : رانا سکندر حیات

سینیٹ اجلاس کی کارروائی

اس کے بعد (ن) لیگ کے سینیٹر ساجد میر پہنچے اور وہ بھی دوسرے دروازے سے روانہ ہوگئے۔ بعد ازاں 20 منٹ کی تاخیر کے بعد پیپلز پارٹی کی پلوشہ رحمان، شہادت اعوان، اور ایم کیو ایم کی خالدہ اطیب ایوان میں پہنچیں۔ وزیر خزانہ محمد اورنگزیب بھی 1 گھنٹہ تاخیر کے بعد ایوان میں آئے۔

یہ بھی پڑھیں: کنگسٹن ٹیسٹ، آسٹریلیا نے ویسٹ انڈیز کو 27 رنز پر آل آؤٹ کرکے 176 رنز سے ہرا دیا

اجلاس کی مزید تاخیر

بعد ازاں ڈپٹی چیئرمین سینیٹ کی زیر صدارت اجلاس شروع ہوا، جس میں صرف 37 اراکین شریک ہوئے۔ اجلاس کی کارروائی کا آغاز ہونے کے بعد سینیٹر عرفان صدیقی نے وقفہ سوالات مؤخر کرنے کی قرارداد پیش کی، جسے ایوان نے منظور کرلیا۔

اجلاس کی نئی تاریخ

فاروق ایچ نائیک کی سفارش پر سینیٹ اجلاس کو ساڑھے بارہ بجے تک ملتوی کیا گیا، تاہم آدھے گھنٹے سے زائد تاخیر کے باوجود بھی اجلاس دوبارہ شروع نہ ہوسکا۔ بعد ازاں سینیٹ اجلاس کو دوپہر 3 بجے تک ملتوی کردیا گیا۔