ہانیہ عامر میری دریافت ہے، ریحام خان کا دعویٰ

ریحام خان کا ہانیہ عامر کے بارے میں بیان

کراچی(ڈیلی پاکستان آن لائن)معروف میزبان،صحافی، فلم ساز اور بانی پی ٹی آئی کی سابقہ اہلیہ ریحام خان نے دعویٰ کیا ہے کہ ہانیہ عامر میری دریافت ہیں۔

یہ بھی پڑھیں: چیف جسٹس کی تعیناتی، آئینی بینچ، اور سود کے خاتمے سے متعلق 26ویں آئینی ترمیم کے اہم نکات

ہانیہ عامر کی پہلی کچھ معلومات

حال ہی میں ایک پوڈ کاسٹ کے دوران ریحام خان نے ایک سوال کا جواب دیتے ہوئے کہا کہ مجھے اس بات کی خوشی ہے کہ فلم "جانان" میں واحد ہانیہ عامر تھیں جنہیں میں نے تجویز کیا تھا، اس وقت ہانیہ عامر صرف 17 سال کی تھیں۔ میرے بھانجے کی دوست تھیں اور اسی نے مجھے اس کا ڈبمیش دکھایا تھا جو مجھے بہت پسند آیا۔ ہانیہ عامر میں بہت ٹیلنٹ ہے، اس طرح ہانیہ عامر میری دریافت ہیں، جس پر مجھے بہت فخر ہے۔ انہیں شادی کے بجائے اپنے کیریئر پر توجہ دینے کی ضرورت ہے۔

یہ بھی پڑھیں: پانی کا ضیاع تشویشناک حد تک بڑھ چکا ، آبی مسائل سے نمٹنے کیلیے فوری اقدامات نہ کیے گئے تو ۔۔۔؟ ماہرین نے خطرات سے آگاہ کر دیا

ہانیہ کے مستقبل کی پیشگوئی

ریحام خان نے مزید کہا کہ بہت جلد ہانیہ بالی ووڈ میں بھی نظر آئیں گی اور میں جو سوچتی ہوں وہ ہو جاتا ہے۔ ہانیہ نے اپنے اہل خانہ کو سپورٹ کرنے کے لیے بہت محنت کی ہے۔ اگر وہ شادی کے بجائے اپنے کیریئر پر توجہ دے تو بہت آگے جائے گی۔ ریحام خان نے مزید کہا کہ ہانیہ عامر بہت میچور ایکٹنگ کرتی ہیں، ان جیسا ٹیلنٹ دبایا نہیں جاسکتا۔ اگر میں نہیں تو کوئی اور ہانیہ کے ٹیلنٹ کو پہچان جاتا۔

ہانیہ عامر کی کامیابی کی کہانی

واضح رہے کہ ہانیہ عامر نے اپنی اداکاری کا آغاز ریحام خان اور حریم فاروق کی فلم "جانان" سے کیا تھا، جس کے بعد سے وہ کامیابیوں کی سیڑھیاں چڑھتی جارہی ہیں۔ وہ بھارت میں بھی بے حد مقبول ہیں اور آج کل ان کا ڈرامہ "فہدمصطفیٰ" کے ساتھ بھی مقبولیت کی بلندیوں کو چھو رہا ہے۔