پاک نیوی نے منشیات کی بڑی کھیپ اے این ایف کے سپرد کر دی

پاک بحریہ کی بڑی کامیابی

کراچی(ڈیلی پاکستان آن لائن) پاک بحریہ نے تحویل میں لی گئی منشیات کی بڑی کھیپ اینٹی نارکوٹکس فورس کے سپرد کردی۔

یہ بھی پڑھیں: رونالڈو کا اپنی باقی زندگی سعودی عرب میں گزارنے کا اعلان

آپریشن کی تفصیلات

پاک بحریہ کے ترجمان کے مطابق، پاک نیوی اور اینٹی نارکوٹکس فورس کی جانب سے رواں ماہ کے اوائل میں شمالی بحیرہ عرب میں انٹیلی جنس کی بنیاد پر کاو¿نٹر نارکوٹکس آپریشن کیا گیا۔ آپریشن میں پاک بحریہ کے جہاز نے تقریباً 2000 کلوگرام چرس، 370 کلو آئس اور 50 کلو ہیروئن قبضے میں لی۔

یہ بھی پڑھیں: سیکیورٹی فورسز کے خیبر پختونخوا اور بلوچستان میں انٹیلی جنس بیسڈ آپریشنز، 9دسمبر سے اب تک 43 دہشتگرد جہنم واصل

منشیات کی مقدار اور قیمت

ترجمان نے مزید بتایا کہ اس کھیپ میں منشیات کے طور پر استعمال ہونے والی ایک لاکھ غیر قانونی بھارتی ساختہ گولیاں بھی شامل ہیں، جنہیں سمندر کے راستے بین الاقوامی مارکیٹ تک پہنچایا جانا تھا۔ بین الاقوامی مارکیٹ میں برآمد شدہ منشیات کی مالیت تقریباً 145 ملین امریکی ڈالر ہے۔

قانونی کارروائی

ضبط شدہ منشیات کو مزید قانونی کارروائی کے لئے اینٹی نارکوٹکس فورس کے حوالے کر دیا گیا۔