آسٹریلیا کیخلاف سیریز کیلئے پاکستانی ٹیم میں بڑی تبدیلیوں کا امکان

پاکستان کرکٹ بورڈ کی نئی تبدیلیاں

لاہور (ڈیلی پاکستان آن لائن) آسٹریلیا کے خلاف ٹی20 سیریز کے لیے پاکستان کرکٹ بورڈ (پی سی بی) نے ٹیسٹ ٹیم کی طرح وائٹ بال ٹیم میں بھی بڑی تبدیلیاں کرنے کا ارادہ کیا ہے۔

یہ بھی پڑھیں: عالمی منڈی میں سونا سستا، پاکستان میں کیا صورتحال رہی؟جانیے

ممکنہ قیادت میں تبدیلی

نجی ٹی وی ایکسپریس نیوز کے مطابق آسٹریلیا کے خلاف وائٹ بال سیریز کے لیے وکٹ کیپر بیٹر محمد رضوان کو ممکنہ طور پر کپتان مقرر کیا جا سکتا ہے۔ ساتھ ہی ٹیم سے فخر زمان، شاداب خان اور افتخار احمد کے ڈراپ ہونے کا امکان بھی ہے۔

یہ بھی پڑھیں: راولپنڈی پولیس نے نالے سے ملنے والی خاتون کی لاش کا معمہ حل کر لیا، تہلکہ خیز انکشافات

کھلاڑیوں کی فٹنس اور فارم کے مسائل

دورہ آسٹریلیا کے لیے فخر زمان کی فٹنس مسائل، شاداب خان کی ناقص فارم اور افتخار احمد کی شمولیت پر سوالیہ نشان ہونے کی وجہ سے ان کے اسکواڈ سے باہر ہونے کا امکان ہے۔

یہ بھی پڑھیں: وہ وقت دور نہیں جب بابری مسجد کی بنیاد میں پہلی اینٹ پنڈی کا سپاہی رکھے گا اور پہلی اذان جنرل حافظ عاصم منیر دیں گے: پلوشہ خان

سینئر کھلاڑیوں کا آرام

دوسری جانب، پاکستان کرکٹ بورڈ (پی سی بی) نے انگلینڈ کے خلاف ٹیسٹ سیریز سے سینئر کھلاڑیوں بابراعظم، شاہین شاہ آفریدی اور نسیم شاہ کو آرام دینے کا فیصلہ کیا ہے۔

یہ بھی پڑھیں: جماعت اسلامی کا غزہ مارچ، اسلام آباد میں ریڈ زون سیل

بورڈ کا موقف

بورڈ کا کہنا ہے کہ تینوں کرکٹرز کو ڈراپ نہیں کیا گیا بلکہ انہیں آرام فراہم کیا گیا ہے تاکہ وہ آسٹریلیا کیخلاف سیریز میں بہتر کارکردگی دکھا سکیں۔

نئے کھلاڑیوں کی شمولیت

دورہ آسٹریلیا میں اسپنر شاداب خان کی جگہ سفیان مقیم اور مہران ممتاز کو شامل کیا جا سکتا ہے۔ اس کے علاوہ کامران غلام، قاسم اکرم، عرفات منہاس اور یاسر خان بھی پلئینگ الیون میں جگہ بنا سکتے ہیں۔