حزب اللہ نے اسرائیلی وزیراعظم کے گھر پر حملے کی ذمہ داری قبول کرلی
حزب اللہ کا ڈرون حملے کی ذمہ داری قبول کرنا
بیروت (ڈیلی پاکستان آن لائن) لبنان کی مزاحمتی تنظیم حزب اللہ نے اسرائیلی وزیراعظم بنیامین نیتن یاہو کے گھر پر ڈرون حملے کی ذمہ داری قبول کر لی ہے۔
یہ بھی پڑھیں: مقبوضہ کشمیر سے آنے والے دریائوں پر قائم منصوبوں سے پاکستان کتنی بجلی پیدا کرتا ہے؟
نیتن یاہو کا حملے سے بچنا
حزب اللّٰہ میڈیا آفس کے سربراہ محمد عفیف نے کہا کہ ہفتے کے روز تین ڈرون اسرائیلی وزیراعظم نیتن یاہو کے قیصریہ میں واقع گھر پر مارے گئے۔ گھر پر موجود نہ ہونے کے باعث نیتن یاہو حملے میں بچ گئے۔
یہ بھی پڑھیں: ہمارے جوانوں نے دنیا کی سوچ بدل کر رکھ دی، دشمن نے میلی آنکھ سے دیکھا تو پاؤں تلے روند دیں گے: وزیر اعظم کا کامرہ ایئر بیس کے دورے پر خطاب
مزید کارروائیاں
عرب میڈیا کے مطابق حزب اللّٰہ نے جنوبی لبنان کے قصبے اودیسہ میں صہیونی فوجیوں کو راکٹ سے نشانہ بنانے کا دعویٰ بھی کیا۔
یہ بھی پڑھیں: راولپنڈی اور اسلام آباد میں موسلادھار بارش، گرمی کا زور ٹوٹ گیا
اسرائیلی میڈیا پر تنقید
محمد عفیف نے اسرائیل کی جانب سے شہید یحییٰ سنوار کی کردار کشی پر اسرائیل اور اس کے میڈیا کو بھی آڑے ہاتھوں لیا۔
انہوں نے کہا کہ حقیقت میں آپ اپنے ہر شیطانی کام کو آزادی اظہار رائے کے پیچھے چھپانے کی کوشش کرتے ہیں۔
اسرائیلی میڈیا کی رپورٹ
اسرائیلی میڈیا کا کہنا ہے کہ ہفتے کے روز لبنان سے تین ڈرونز لانچ کیے گئے، جن میں سے ایک نے قیصریہ میں واقع وزیراعظم کی رہائش گاہ کو نشانہ بنایا تھا۔
