حزب اللہ نے اسرائیلی وزیراعظم کے گھر پر حملے کی ذمہ داری قبول کرلی

حزب اللہ کا ڈرون حملے کی ذمہ داری قبول کرنا

بیروت (ڈیلی پاکستان آن لائن) لبنان کی مزاحمتی تنظیم حزب اللہ نے اسرائیلی وزیراعظم بنیامین نیتن یاہو کے گھر پر ڈرون حملے کی ذمہ داری قبول کر لی ہے۔

یہ بھی پڑھیں: ٹرمپ کے ٹیرف کے 5 بڑے اہداف کیا تھے اور کیا وہ پورے ہوئے؟

نیتن یاہو کا حملے سے بچنا

حزب اللّٰہ میڈیا آفس کے سربراہ محمد عفیف نے کہا کہ ہفتے کے روز تین ڈرون اسرائیلی وزیراعظم نیتن یاہو کے قیصریہ میں واقع گھر پر مارے گئے۔ گھر پر موجود نہ ہونے کے باعث نیتن یاہو حملے میں بچ گئے۔

یہ بھی پڑھیں: مودی پاکستان پر حملے کی پوزیشن میں نہیں، یہ اس کا آخری سال ہے، اپوزیشن اور اتحادی بھی اس سے نالاں ہیں: فواد چوہدری

مزید کارروائیاں

عرب میڈیا کے مطابق حزب اللّٰہ نے جنوبی لبنان کے قصبے اودیسہ میں صہیونی فوجیوں کو راکٹ سے نشانہ بنانے کا دعویٰ بھی کیا۔

یہ بھی پڑھیں: جنگ مسلط کرنے کی کوشش کی گئی تو اپنے سپہ سالار کی قیادت میں بھارت کو منہ توڑ جواب دیں گے: قومی یکجہتی کا نفرنس سے علماء کا خطاب

اسرائیلی میڈیا پر تنقید

محمد عفیف نے اسرائیل کی جانب سے شہید یحییٰ سنوار کی کردار کشی پر اسرائیل اور اس کے میڈیا کو بھی آڑے ہاتھوں لیا۔

انہوں نے کہا کہ حقیقت میں آپ اپنے ہر شیطانی کام کو آزادی اظہار رائے کے پیچھے چھپانے کی کوشش کرتے ہیں۔

اسرائیلی میڈیا کی رپورٹ

اسرائیلی میڈیا کا کہنا ہے کہ ہفتے کے روز لبنان سے تین ڈرونز لانچ کیے گئے، جن میں سے ایک نے قیصریہ میں واقع وزیراعظم کی رہائش گاہ کو نشانہ بنایا تھا۔