صوبائی کابینہ کے اجلاس میں اہم فیصلے، طلباء کو جلد لیپ ٹاپ دینے کی ہدایت، کھیلتا پنجاب گیمز 2024 کی منظوری
صوبائی کابینہ کا 18 واں اجلاس
لاہور (ڈیلی پاکستان آن لائن) وزیراعلیٰ پنجاب مریم نواز کی زیر صدارت صوبائی کابینہ کے 18ویں اجلاس میں اہم فیصلے اور ماحولیاتی بہتری کے تاریخی اقدامات کیے گئے۔
یہ بھی پڑھیں: ثنا یوسف کے قاتل کی گرفتاری کے لیے پولیس نے کتنی سی سی ٹی وی ویڈیوز جمع کیں اور کتنی فون کالز کا تجزیہ کیا؟ آئی جی اسلام آباد کے اہم انکشافات
دھواں چھوڑنے والی گاڑیوں پر جرمانے میں اضافہ
صوبائی کابینہ کے اجلاس میں دھواں چھوڑنے والی گاڑیوں پر جرمانہ بڑھانے کے لیے صوبائی موٹر وہیکل آرڈیننس 1965 میں ترمیم کی منظوری دی گئی۔ اس کے تحت وہیکل فٹنس سرٹیفکیٹ کے بغیر چلنے والی گاڑی کو ایک بار نوٹس کے بعد جرمانہ عائد ہوگا اور گاڑی بند کردی جائے گی۔
یہ بھی پڑھیں: الحمد للہ پنجاب روز بروز پلاسٹک فری ہونے کی طرف بڑھ رہا ہے: وزیراعلیٰ مریم نواز
ماحولیاتی آلودگی کے خاتمے اور پلاسٹک کلچر
کابینہ نے پنجاب میں ماحولیاتی آلودگی کے خاتمے اور سنگل یوز پلاسٹک کلچر متعارف کرانے کے لیے تاریخی فیصلے کیے۔ اس کے تحت ڈسٹرکٹ پلاسٹک مینجمنٹ کمیٹیاں قائم ہوں گی جن کی سربراہی ڈی سی اور ڈی پی او کریں گے۔ کمیٹیوں کو غیر معیاری پلاسٹک بیگ بنانے والی فیکٹریوں کو سیل کرنے کا اختیار بھی دیا گیا۔
یہ بھی پڑھیں: گوگل میپ قابلِ اعتماد نہیں رہا؟ ایک اور فیملی بھٹک کر گھنے جنگل میں جا پھنسی
ماحولیاتی انسپکٹرز کی بھرتی
اجلاس میں 310 انوائرمنٹ انسپکٹرز بھرتی کرنے اور ان کے لیے 250 ای بائیکس خریدنے کی منظوری دی گئی۔ وزیراعلیٰ نے طلباء کو جلد از جلد لیپ ٹاپ فراہم کرنے کی ہدایت بھی کی۔
یہ بھی پڑھیں: دریائے سوات میں سیاحوں کے ڈوبنے کے واقعے میں ناقص کارکردگی پر متعدد افسران کو معطل
کھیلتا پنجاب گیمز 2024
کھیلتا پنجاب گیمز 2024 (انڈر 16 ٹیلنٹ ہنٹ پروگرام) کی منظوری دی گئی، جس میں 1 لاکھ 15 ہزار سے زائد کھلاڑی رجسٹرڈ ہو چکے ہیں۔
یہ بھی پڑھیں: آپ غصے کی حالت میں ہیں، یہ سماعت نہ کریں، حامد خان کا جسٹس جمال مندوخیل سے مکالمہ
نئی اتھارٹیز کا قیام
صوبائی کابینہ نے پنجاب میں 3 نئی اتھارٹیز کے قیام کے لیے ایکٹ کی منظوری دی، جس میں پنجاب ڈویلپمنٹ اتھارٹی، پنجاب واٹر اینڈ سینی ٹیشن اتھارٹی، اور پنجاب ہارٹیکلچر اتھارٹی شامل ہیں۔
یہ بھی پڑھیں: سلام ہے پاک فضائیہ، پاکستان آپ پر فخر کرتا ہے — وزیر اعلیٰ مریم نواز کا ’’ ایکس ‘‘ پر خراج تحسین
تعلیمی و ترقیاتی اقدامات
صوبائی کابینہ نے یونیورسٹی آف ویٹرنری اینڈ اینیمل سائنسز، لاہور اور چولستان یونیورسٹی آف ویٹرنری اینڈ اینیمل سائنسز، بہاولپور کے وائس چانسلرز کے انتخاب کے طریقہ کار کی منظوری بھی دی۔ مزید برآں، کم از کم اجرت کی شرح میں اضافے کو یقینی بنانے کے لیے ویج ریٹ شیڈول کی منظوری دی گئی۔
صوبائی وزراء اور دیگر حکام کی شرکت
اجلاس میں صوبائی وزراء، معاونین خصوصی، چیف سیکرٹری، آئی جی، سیکرٹریز اور دیگر متعلقہ حکام نے شرکت کی۔
