زمبابوے نے ٹی 20 کرکٹ کی تاریخ کا سب سے بڑا سکور بنا دیا

نیروبی میں ریکارڈ ساز کارکردگی

نیروبی (ڈیلی پاکستان آن لائن) زمبابوے نے ٹی 20 کرکٹ میں 344 رنز بناکر عالمی ریکارڈ قائم کردیا ہے۔

یہ بھی پڑھیں: پنجاب کے 4 ڈویژنز میں ماسک پہننا لازمی قرار

پرفارمنس کی تفصیلات

تفصیلات کے مطابق آئی سی سی ٹی 20 ورلڈکپ کے سب ریجنل کوالیفائر میچ میں زمبابوے نے گیمبیا کے خلاف 4 وکٹوں کے نقصان پر 20 اوورز میں 344 رنز بنائے۔ زمبابوے کے کپتان سکندر رضا نے زمبابوے کی جانب سے پہلی ٹی 20 سنچری سکور کی۔ سکندر رضا نے 33 گیندوں پر سنچری مکمل کی اور 43 گیندوں پر 133 رنز بنا کر ناقابل شکست رہے۔ ان کی اننگز میں 15 چھکے اور 7 چوکے شامل تھے۔ 345 رنز کے ہدف کے تعاقب میں گیمبیا کی ٹیم صرف 54 رنز پر ہی آؤٹ ہو گئی، اس طرح زمبابوے 290 رنز سے جیتنے میں کامیاب ہو گئی۔