مولانا فضل الرحمان کو بھی معلوم نہیں کہ انہوں نے آئینی ترمیم میں کیا مسودہ فائنل کیا، عمر ایوب

عمر ایوب کا بیان

راولپنڈی (ڈیلی پاکستان آن لائن) اپوزیشن لیڈر عمر ایوب نے کہا ہے کہ مولانا فضل الرحمان کو بھی نہیں معلوم کہ انہوں نے 26 ویں آئینی ترمیم کے لئے کیا مسودہ فائنل کیا۔

یہ بھی پڑھیں: جوڈیشل کمیشن اجلاس؛ جسٹس امین الدین خان کی سربراہی میں 7 رکنی آئینی بینچ قائم کرنے کا فیصلہ

اڈیالہ جیل کے باہر میڈیا سے گفتگو

اڈیالہ جیل کے باہر میڈیا سے گفتگو کرتے ہوئے عمر ایوب کا کہنا تھا کہ 26 ویں آئینی ترمیم میں جس طرح نمبرز پورے کئے گئے اس کی مذمت کرتے ہیں۔ ہمارے 5 اراکین کو اغواء کر کے وہاں پیش کیا گیا، ان کے ساتھ اہلکار آئے تھے، زبردستی ان سے ووٹ لیا گیا، لوگوں نے قومی اسمبلی کے اہلکاروں کے یونیفارم پہن رکھے تھے۔

پی ٹی آئی کے بانی پر الزامات

انہوں نے کہا کہ بانی پی ٹی آئی توشہ خانہ کے جعلی کیس میں جیل میں ہیں، بشریٰ بی بی کا سیاست سے تعلق نہیں، اس کیس میں بلاوجہ ملوث کیا گیا۔ ہمیں پتہ ہے یہ سب کہاں سے کنٹرول ہو رہا ہے، ہمیں آج ضمانت کا عمل مکمل ہوتا نظر نہیں آرہا۔ اس طریقہ کار کی مذمت کرتا ہوں، ستم ظریفی یہ ہے کہ ٹرائل جج کرسی پر موجود نہیں، روبکار جاری نہیں ہوئی۔