معروف پاکستانی اداکارہ کے ہاں شادی کے سات سال بعد پہلے بچے کی آمد متوقع

صحیفہ جبار کا بچے کی متوقع پیدائش کا اعلان

کراچی (ڈیلی پاکستان آن لائن) ماڈل و اداکارہ صحیفہ جبار نے اپنی تصویر شیئر کرتے ہوئے ’بے بی بمپ‘ کے ساتھ اپنے ہاں بچے کی متوقع پیدائش کا اعلان کردیا۔ صحیفہ جبار نے 23 اکتوبر کو انسٹاگرام پر اپنی تصویر شیئر کی، جس میں انہیں ’بے بی بمپ‘ کے ساتھ دیکھا جا سکتا ہے۔

یہ بھی پڑھیں: بھارتی سیاستدان کا انکشاف: سدھو موسے والا کو قتل سے 8 روز قبل ان کی موت کا پتہ تھا

تصویر کی تفصیلات

تصویر میں اداکارہ مسکراتی دکھائی دیتی ہیں اور انہوں نے مکمل لباس پہن رکھا ہے۔ اداکارہ کی حاملہ ہونے کی تصدیق پر شوبز شخصیات نے ان کی پوسٹ پر تبصرے کرتے ہوئے انہیں مبارک باد پیش کی اور نیک خواہشات کا اظہار کیا۔

یہ بھی پڑھیں: پی ٹی آئی کی انٹرا پارٹی الیکشن کیس کی سماعت ملتوی کرنے کی درخواست دائر

شادی اور ماضی کی باتیں

صحیفہ جبار نے دسمبر 2017 میں اپنے دیرینہ دوست خواجہ خضر حسین سے شادی کی تھی۔ ماضی میں ان کے درمیان اختلافات اور علیحدگی کی خبریں بھی آتی رہیں، جنہیں اداکارہ نے مسترد کردیا تھا۔ اب شادی کے سات سال بعد انہوں نے اپنے ہاں پہلے بچے کی متوقع پیدائش کی تصدیق کر دی، جس پر انہیں مبارک باد پیش کی جا رہی ہے۔

ذہنی صحت کے مسائل

صحیفہ جبار کی جانب سے اپنے حاملہ ہونے کی تصدیق ایک ایسے وقت میں کی گئی ہے جب حالیہ کچھ عرصے میں اداکارہ متعدد انٹرویوز اور سوشل میڈیا پوسٹس کے ذریعے ڈپریشن میں مبتلا رہنے کا اعتراف کر چکی ہیں۔ انہوں نے بتا چکی ہیں کہ وہ شدید ڈپریشن اور انزائٹی کا شکار رہی ہیں اور تاحال ذہنی مسائل کا سامنا کر رہی ہیں۔