ایف بی آر کا پراپرٹی کے نئے ریٹ جاری کرنے کا فیصلہ

ایف بی آر کا پراپرٹی کے نئے ریٹس جاری کرنے کا فیصلہ

اسلام آباد(ڈیلی پاکستان آن لائن) فیڈرل بورڈ آف ریونیو (ایف بی آر) نے پراپرٹی کے نئے ریٹ جاری کرنے کا فیصلہ کرلیا۔

یہ بھی پڑھیں: سیز فائر بھارت کے مفاد میں ہے، سابق مشیر قومی سلامتی لیفٹیننٹ جنرل(ر) ناصر جنجوعہ

5600 شہروں میں نئے ریٹس کی تفصیلات

نجی ٹی وی چینل آج نیوز کے مطابق ذرائع کا کہنا ہے کہ ملک بھر کے 42 کے بجائے 54 شہروں کے ریٹ جاری کیے جائیں گے۔ ایف بی آر کے ریٹ آئندہ چند روز میں جاری ہونے کا امکان ہے۔ پراپرٹی کے ریٹ کے لیے مزید 12 شہروں میں بھی ایف بی آر ریٹ مقرر کرنے کا فیصلہ کیا گیا ہے۔

یہ بھی پڑھیں: لکی مروت میں سکیورٹی فورسز کا آپریشن، 5 خوارجی جہنم واصل

جائیدادوں کی قیمتوں کا ازسر نو تعین

ذرائع ایف بی آر کا بتانا ہے کہ مختلف شہروں میں جائیدادوں کی قیمتوں کے ازسر نو تعین کا عمل مکمل کر لیا گیا ہے۔ پراپرٹی کی نئی ویلیوایشن مارکیٹ ریٹس کے زیادہ قریب ہوگی۔ بلوچستان کے شہروں میں ایف بی آر کا ریٹ کم کیا جائے گا جبکہ کراچی، لاہور، اسلام آباد، پشاور سمیت تمام بڑے شہروں میں پراپرٹی کے نئے ریٹس جاری ہوں گے۔

یہ بھی پڑھیں: بٹھنڈہ میں طیارہ گرا تو عینی شاہدین نے کیا دیکھا؟ ایسی تفصیلات سامنے آگئیں کہ آپ کو بھی اپنے شاہینوں پر فخر ہوگا

ویلیوایشن ٹیبل کی جلد پیشگی

ذرائع کا کہنا ہے کہ وزارت قانون سے توثیق کے بعد رواں ہفتے پراپرٹی کے نئے ویلیوایشن ٹیبل جاری ہو سکتے ہیں، اس کا مقصد جائیدادوں پر ٹیکس وصولیوں میں اضافہ کرنا ہے۔

یہ بھی پڑھیں: اسلامی دنیا کی سب سے بڑی سونے کی کان کس ملک میں ہے؟ یہ سعودی عرب یا ایران نہیں بلکہ ۔۔۔

ریئل اسٹیٹ اور تعمیرات کے شعبے کی حمایت

ایف بی آر ذرائع کے مطابق ریئل اسٹیٹ اور تعمیرات کے شعبوں کی حوصلہ شکنی نہیں کی جائے گی۔ پراپرٹی فائلوں کی خرید و فروخت کرنے والوں پر ٹیکس میں اضافے کی تجویز ہے۔ پراپرٹی کے نئے ریٹس کے تعین میں ریئل اسٹیٹ ایسوسی ایشنز، بلڈرز اور ڈویلپرز کے ساتھ مشاورت کی گئی ہے۔

پراپرٹی ویلیوایشن میں شامل علاقے

ذرائع کے مطابق پراپرٹی ویلیوایشن کے لیے بھکر، چارسدہ، چنیوٹ، خانیوال، خوشاب، میانوالی، سبی اور صوابی شامل ہیں۔