میانوالی میں پولیس اور سی ٹی ڈی کی کارروائی، 10 دہشتگرد ہلاک

پولیس اور سی ٹی ڈی کی مشترکہ کارروائی

لاہور (ڈیلی پاکستان آن لائن) میانوالی کے پہاڑی علاقے ملاخلیل میں پولیس اور سی ٹی ڈی نے کارروائی کر کے 10 خوارج کو ہلاک کردیا۔

یہ بھی پڑھیں: سندھ اور پنجاب کے جنوبی علاقوں میں آج موسم شدید گرم رہنے کا امکان

کارروائی کی تفصیلات

ایکسپریس نیوز کے مطابق میانوالی کے تھانہ مکڑوال کے پہاڑی علاقے ملا خیل میں پولیس نے 10 سے 15 دہشت گردوں کی موجودگی کی اطلاع پر کارروائی کی۔ جس کے بعد ڈی پی او میانوالی اختر فاروق کی قیادت میں پولیس اور ایلیٹ کی بھاری نفری نے دہشت گردی کے خلاف آپریشن کیا جس کے دوران فائرنگ کا شدید تبادلہ ہوا۔

یہ بھی پڑھیں: پی ٹی آئی کارکنان جماعت کے رہنماؤں سے ناراض: ‘اگر آپ قیادت نہیں کر سکتے تھے تو لوگوں کو باہر نکلنے کا کیوں کہا؟’

نتائج اور حوصلہ افزائی

پولیس کی جوابی فائرنگ سے دس خوارج دہشت گرد ہلاک ہوگئے جبکہ پولیس کے تمام افسران و اہلکار محفوظ رہے۔ آئی جی پنجاب ڈاکٹر عثمان انور نے دہشت گردوں کے خلاف بڑی کامیابی پر ڈی پی او میانوالی اور ٹیم کو شاباش دی اور کہا کہ پنجاب پولیس دہشت گردی کے خلاف الرٹ ہے، دہشت گردوں کے ناپاک عزائم کو خاک میں ملا کر دم لیں گے۔

پولیس کا عزم

ڈی پی او میانوالی اختر فاروق نے کہا کہ میانوالی پولیس امن دشمن عناصر کا اسی طرح جواں مردی سے مقابلہ کرتی رہے گی۔