گارمنٹ سٹی میں پہلے بیچ کی ووکیشنل ٹریننگ مکمل، ہنرمند بننے کے بعد کوئی آپ کو کمزور نہیں سمجھے گا: وزیر اعلیٰ مریم نواز
مریم نواز کی خواتین کو ہنر مند بنانے کی کوششیں
لاہور (ڈیلی پاکستان آن لائن) وزیراعلیٰ پنجاب مریم نواز کے ویژن کے تحت خواتین کو معاشی طور پر بااختیار اور ہنرمند بنانے کے لیے گارمنٹ سٹی میں ووکیشنل ٹریننگ کا پہلا بیچ کامیابی سے مکمل ہوگیا۔ وزیر اعلیٰ نے قائد اعظم بزنس پارک میں موجود گارمنٹ سٹی کی ٹریننگ مکمل کرنے والی طالبات کو سرٹیفکیٹس، ملازمت کے لیٹر، اور سکالرشپ کے چیک عطا کیے۔
یہ بھی پڑھیں: شاہ رخ خان کے شائستہ انداز نے دبئی کی شاپ میں لوگوں کے دل موہ لیے
مفت پک اینڈ ڈراپ کی سہولیات
وزیر اعلیٰ نے واہگہ لاہور سے قائد اعظم بزنس پارک آنے والی بچیوں کو نہ صرف سکالرشپ اور ٹریننگ نوکری کے لیٹر دیے، بلکہ ان کی سہولت کے لیے مفت پک اینڈ ڈراپ کا بھی اہتمام کیا۔ ٹریننگ مکمل کرنے والی خواتین نے وزیر اعلیٰ کا شکریہ ادا کیا، تالیاں بجائیں اور دعائیں بھی دیں۔
یہ بھی پڑھیں: دفاعی پنشن کے نظام میں ڈائریکٹ کریڈٹ سسٹم متعارف
سٹیچنگ کے مراحل کا مشاہدہ
وزیر اعلیٰ نے طالبات کے ساتھ بیٹھ کر سٹیچنگ کے مختلف مراحل کا مشاہدہ کیا، ٹریننگ حاصل کرنے والی طالبات کے ساتھ تصاویر بنوائیں اور پہلے بیچ کو ووکیشنل ٹریننگ دینے والی ٹیچرز کو کیش ایوارڈ بھی دیے۔
یہ بھی پڑھیں: ایل وائے 80 این ایئر ڈیفنس میزائل کا کامیاب تجربہ، پاکستان نے دفاعی صلاحیتوں میں ایک اور سنگ میل عبور کیا :وزیراعلیٰ مریم نواز کی مبارکباد
خود کفالت کی ترغیب
وزیر اعلیٰ مریم نواز نے طالبات سے گفتگو کرتے ہوئے کہا کہ وہ چاہتی ہیں کہ وہ لینے والے نہیں بلکہ دینے والا ہاتھ بن جائیں۔ ان کا ہنر مند بننے کا مقصد یہ ہے کہ وہ کسی بھی مالی محتاجی سے بچ سکیں اور خود باعزت روزگار کما سکیں۔
یہ بھی پڑھیں: منشیانہ پروٹوکل کی ذہنیت ایک نالائق اور شعبدہ باز وکیل کی تو ہو سکتی مگر کامیاب آئینی وکیل کی نہیں ، صحافی مطیع اللہ جان
صوبے کی ترقی میں خواتین کا کردار
وزیر اعلیٰ نے مزید کہا کہ حکومت پنجاب ہر تحصیل میں گارمنٹ ٹریننگ سنٹر قائم کر رہی ہے تاکہ بیٹیوں کو گھر سے دور سفر نہ کرنا پڑے۔ انہوں نے بچیوں کی تربیت اور ہنر سیکھنے پر خوشی کا اظہار کیا اور انھیں کامیابیوں کی دعا دی۔
یہ بھی پڑھیں: حالیہ صورتحال انتہائی نازک، پاکستان علاقائی ملکوں کے ساتھ رابطے میں ہے،ہمارے پاس افغان سرزمین سے دہشتگردی کے ٹھوس شواہد موجود ہیں:وزیر خارجہ کی غیر ملکی سفیروں کو بریفنگ
بچیوں کی حوصلہ افزائی
ٹریننگ حاصل کرنے والی بچیوں نے خوشی کا اظہار کرتے ہوئے مریم نواز زندہ باد کے نعرے لگائے اور کہا کہ انہوں نے ہمیں زندگی میں آگے بڑھنے کا نیا حوصلہ، اعتماد، اور موقع دیا ہے۔
نئے منصوبوں کا آغاز
وزیر اعلیٰ مریم نواز نے قائد اعظم بزنس پارنک شیخوپورہ انٹرچینج نئی روڈ کا افتتاح کیا، جہاں گارمنٹ سٹی میں دو پلگ اینڈ پلے سٹیچنگ یونٹس، لیبر کالونی میں میل فی میل ہاسٹل پراجیکٹس، اور ووکیشنل انسٹی ٹیوٹ کی تزئین نو کے منصوبے کا سنگ بنیاد بھی رکھا گیا۔
