تاریخی ایونٹ ”آئی ایف ٹی تھری”میں شرکت کیلیے بھارتی فائٹرز پاکستان پہنچ گئے، پاکستان مکسڈ مارشل آٹس کے صدر بابر راجا نے واہگہ بارڈر پہنچ کر استقبال کیا.

بھارتی مکسڈ مارشل آرٹس کا لاہور پہنچنا

لاہور(جاذب صدیقی سے) رپورٹ کے مطابق، انٹرنیشنل فائٹنگ ٹورنامنٹ تھری میں شرکت کے لیے بھارتی مکسڈ مارشل آرٹس کا 11 رُکنی دستہ واہگہ بارڈر کے راستے لاہور پہنچ گیا۔

یہ بھی پڑھیں: گٹر کا ڈھکن چوری، خریدنے اور بیچنے والوں کو قید کی سزا ہوگی، مریم نواز کا اعلان

استقبال کی تقریب

پاکستان مکسڈ مارشل آرٹس فیڈریشن کے صدر بابر راجا اور دیگر عہدیداران نے مہمان فائٹرز کا گرمجوشی سے استقبال کیا۔ بھارتی مکسڈ مارشل آرٹس کا دستہ جب لاہور پہنچا تو بابر راجہ اور دیگر عہدیداروں نے مہمان فائٹرز اور سپورٹ سٹاف کے اراکین کو گلدستے پیش کیے۔

یہ بھی پڑھیں: دہشت گردی کے خلاف ‘زیرو ٹالرنس’، وزیراعظم کا جی ایچ کیو کا دورہ، عسکری قیادت کو بھرپور جوابی کارروائی کی ہدایت

بھارتی فائٹرز کی رائے

اس موقع پر "ڈیلی پاکستان" سے گفتگو کرتے ہوئے بھارتی فائٹرز اور کوچز نے کہا کہ پاکستان آ کر انہیں بہت اچھا لگ رہا ہے اور یہاں ان کا شاندار استقبال کیا گیا ہے۔

یہ بھی پڑھیں: پی ایس ایل کے باقی میچز بنگلہ دیش منتقل کرنے کی تجویز آ گئی

پاکستان مکسڈ مارشل آرٹس فیڈریشن کی کوششیں

پاکستان مکسڈ مارشل آرٹس فیڈریشن کے صدر بابر راجا کا کہنا تھا کہ پاک، بھارت دلچسپ فائٹس سے ایم ایم اے کے کھیل کو فروغ ملے گا، اور وہ کھیلوں کے ذریعے دوستی کو آگے بڑھانا چاہتے ہیں۔

انہوں نے مزید کہا کہ اس تاریخی ایونٹ کے انعقاد میں چیئر مین پاکستان مکسڈ مارشل آرٹس شعیب افضل اور ایس اے گروپ کا کلیدی کردار ہے جن کی بھرپور سپورٹ کے بغیر یہ ایونٹ ممکن نہیں تھا۔

بھارتی دستے کی آمد

بھارتی دستے کو واہگہ بارڈر سے مقامی ہوٹل پہنچایا گیا۔ اگلے 2 روز مقامی کلب میں پاک بھارت فائٹرز کے وزن اور فیس آف ہوں گے۔