مریم نواز سے بیلجیئم کے سفیر کی ملاقات، دوطرفہ تعلقات کو مزید مضبوط بنانے پر اتفاق

ملاقات کی تفصیلات

لاہور (ڈیلی پاکستان آن لائن) وزیراعلیٰ پنجاب مریم نواز شریف سے بیلجیئم کے سفیر چارلس ایڈسبالڈ وان ڈر گراچٹ ڈی رومرزوائل کی ملاقات ہوئی ہے جس میں دونوں ممالک کے درمیان باہمی تعاون کے فروغ اور تعلقات کو مزید مضبوط بنانے پر تبادلہ خیال کیا گیا۔

یہ بھی پڑھیں: ڈیرہ اسماعیل خان میں طوفانی ہواؤں کے ساتھ بارش، 7 افراد جاں بحق، متعدد علاقوں میں بجلی معطل

دوطرفہ تعاون کے مواقع

ملاقات کے دوران وزیراعلیٰ پنجاب اور بیلجیئم کے سفیر نے مستقبل میں دو طرفہ تعاون کے فروغ کے مزید مواقع تلاش کرنے پر زور دیا۔ بیلجیئم کے سفیر نے وزیر اعلیٰ مریم نواز شریف کی عوام دوست پالیسیوں کی تعریف بھی کی جبکہ بیلجیئم کے سفیر نے حکومت پنجاب کے معاشی ویژن کو بھی سراہا۔

یہ بھی پڑھیں: بگ بیش لیگ میں انتہائی سست بیٹنگ کرنے پر محمد رضوان کو زبردستی ریٹائر کر کے باہر بلا لیا گیا

وزیراعلیٰ کا بیان

اس موقع پر مریم نواز شریف نے گفتگو کرتے ہوئے کہا ہے کہ پاک بیلجیئم دوطرفہ تعلقات کو قدر کی نگاہ سے دیکھتے ہیں۔ انہوں نے کہا کہ بیلجیئم کے ساتھ تعلقات نئی بلندیوں تک پہنچائیں گے اور تعلیم، آئی ٹی اور زراعت کے شعبوں میں مزید تعاون کو فروغ دینا چاہتے ہیں۔

یہ بھی پڑھیں: زاہد گشکوری نے 5 اگست کو پی ٹی آئی کا احتجاج کا گرینڈ پلان بے نقاب کر دیا

پنجاب میں ترقی کے اقدامات

وزیراعلیٰ پنجاب نے مزید کہا کہ نوجوانوں کو آئی ٹی میں عالمی معیار کی مہارتوں کی ٹریننگ دی جارہی ہے اور پنجاب میں زرعی شعبے کی میکانائزیشن پر خصوصی توجہ دی جارہی ہے۔

یہ بھی پڑھیں: وزیر اعلیٰ مریم نواز کا وہاڑی کے قریب ٹریفک حادثے میں 6 افراد کے جاں بحق ہونے پر اظہار تعزیت

سفیر کی رائے

سفیر چارلس ایڈسبالڈ نے اس موقع پر گفتگو کرتے ہوئے کہا کہ کلائمیٹ چینج کے اثرات پر کنٹرول اور ماحول کی بہتری کے لئے حکومت پنجاب کے اقدامات متاثر کن ہیں۔ انہوں نے پیغام دیا کہ پنجاب میں ماحول دوست اختراعی اقدامات کے دورس نتائج حاصل ہوں گے۔

سرمایہ کاری کے مواقع

چارلس ایڈسبالڈ نے مزید کہا کہ بیلجیئم پاکستان میں سرمایہ کاری اور مختلف شعبوں میں تعاون بڑھانے میں دلچسپی رکھتا ہے۔ انہوں نے تعلیم، زراعت اور دیگر شعبوں میں ایک دوسرے کے تجربات سے مستفید ہونے کی اہمیت کو بھی اجاگر کیا۔