خوارج کا لکی مروت میں نمازمغرب کے دوران مسجد پر حملہ، جنٹلمین کیڈٹ عارف اللہ شہید

خوارج کا مسجد پر حملہ

راولپنڈی (ڈیلی پاکستان آن لائن)لکی مروت میں نماز مغرب کے دوران ایک مسجد پر خوارج نے حملہ کردیا۔ پاکستان ملٹری اکیڈمی کاکول میں زیر تربیت، چھٹی پر اپنے آبائی شہر آئے ہوئے جنٹلمین کیڈٹ عارف اللہ نے بہادری سے مقابلہ کرتے ہوئے جان قربان کردی۔

یہ بھی پڑھیں: پی ٹی آئی قیادت کو بولڈ فیصلے کرنے ہوں گے، نہیں کرسکتے تو عہدہ چھوڑ دیں، علی محمد خان

واقعہ کی تفصیلات

آئی ایس پی آر کے مطابق ضلع لکی مروت میں 25 اکتوبر کو خوارج نے نماز مغرب کے دوران ایک مسجد پر حملہ کیا۔ جنٹلمین کیڈٹ عارف اللہ بھی اسی مسجد میں نماز ادا کرنے کے لئے موجود تھے۔ جیسے ہی خوارج نے فائرنگ شروع کی، 19 سالہ جنٹلمین کیڈٹ عارف اللہ نے فوراً جواب دیا اور خوارج کا بہادری سے مقابلہ کیا، تاہم اس دوران وہ کئی بے گناہ نمازیوں کی جانیں بچاتے ہوئے شہید ہوگئے۔

یہ بھی پڑھیں: وزیراعلیٰ مریم نواز مری سے واپسی پر فیلڈ ہسپتال دیکھ کر رک گئیں،ادویات کی مفت فراہمی اور ورکنگ کے بارے میں تفصیلات حاصل کیں۔

حملے کی نوعیت

آئی ایس پی آر کا کہنا ہے کہ مسجد میں نماز کی حالت میں نمازیوں پر حملہ کرنا ان خوارج کے عزائم کی عکاسی کرتا ہے۔ ایک نوجوان جنٹلمین کیڈٹ کا یہ عمل دہشت گردی کے خاتمے کے لئے سیکیورٹی فورسز کے جوانوں کے جذبہ قربانی اور لگن کا منہ بولتا ثبوت ہے۔ یہ قربانیاں ہمارے عزم کو مزید مضبوط کرتی ہیں۔

یہ بھی پڑھیں: ڈسٹرکٹ جیل ملیر کراچی سے 200 سے زائد قیدی کس طرح فرار ہوئے؟ کیا بہانہ بنا کر انتظامیہ کو بے وقوف بنایا؟ تمام تفصیلات سامنے آگئیں۔

شہید کا پس منظر

جنٹلمین کیڈٹ عارف اللہ شہید کا تعلق لکی مروت سے تھا اور وہ پاکستان ملٹری اکیڈمی میں زیر تربیت تھے۔ شہادت کے وقت جی سی عارف اللہ چھٹیاں گزارنے اپنے گھر آئے تھے۔ انہوں نے سوگواران میں والدین، 4 بھائی اور 4 بہنیں چھوڑے ہیں۔

عائلتی پس منظر

جی سی عارف اللہ شہید کے بڑے بھائی بھی پاکستان آرمی میں دفاع وطن کا فریضہ سرانجام دے رہے ہیں۔ انہوں نے نہتے ہوتے ہوئے بھی فتنے الخوارج کے دہشتگردوں کا مقابلہ کیا۔