ٹرمپ اور کملا ہیرس کی مسلمان ووٹرز کی حمایت کیلئے بھاگ دوڑ

امریکہ کے صدارتی انتخابات کی قریب آتی تاریخ

نیو یارک(ڈیلی پاکستان آن لائن) امریکی صدارت اور کانگریس کے انتخابات میں 10 روز سے بھی کم وقت رہ گیا ہے۔ مسلمان ووٹرز کا کہنا ہے کہ امریکی حمایت اور امداد سے اسرائیل کی غزہ اور لبنان میں تباہی کے باوجود، ڈونلڈ ٹر مپ اور کملا ہیرس مسلمان ووٹرز کی حمایت کے لیے بھاگ دوڑ کر رہے ہیں۔

یہ بھی پڑھیں: اپرکوہستان میں تیز رفتار بس کھائی میں جا گری، 2 افراد جاں بحق

امیدواروں کی مقبولیت کا حالیہ گراف

نجی ٹی وی جیو نیوز کے مطابق، امریکی صدارت کے لئے ڈیمو کریٹ امیدوار کملا ہیرس اور ری پبلکن امیدوار ڈونلڈ ٹرمپ کے درمیان عوامی مقبولیت کا تازہ گراف 48 فیصد پر پہنچ گیا ہے۔ یہ دونوں امیدواروں کی یکساں مقبولیت سخت مقابلہ اور غیر یقینی نتیجہ کی غمازی کر رہی ہے۔

یہ بھی پڑھیں: علی امین گنڈاپور نے احتجاج کے دوران گرفتار ہونے والے سرکاری ملازمین کی رہائی پر بڑا اعلان کر دیا

میدان جنگ کی ریاستیں

جیت اور ہار کے نتائج کے بارے میں سات امریکی ریاستوں پر توجہ مرکوز ہے، جنہیں اصلی میدان جنگ (Battleground) اور غیر یقینی (Swing) سیٹٹس کا نام دیا گیا ہے۔ ان ریاستوں میں پنسلوینیا، مشی گن، ایری زونا، وسکانسن، جارجیا، نارتھ کیرولینا اور نیواڈا شامل ہیں۔

الیکٹورل ووٹوں کی صورتحال

مجموعی طور پر 93 الیکٹورل ووٹوں کے لئے دونوں صدارتی امیدواروں کے درمیان سخت انتخابی مقابلہ ہوگا۔ جو صدارتی امیدوار جس ریاست میں عوامی ووٹوں کی اکثریت حاصل کرے گا، اسے اس ریاست کے طے شدہ تمام الیکٹورل ووٹ حاصل ہوں گے۔ امریکا بھر میں 270 الیکٹورل ووٹ حاصل کرنے والا امیدوار منتخب امریکی صدر ہوگا۔