26ویں آئینی ترمیم نے چور دروازے سے اقتدار میں آنے کا راستہ بند کردیا: رانا ثناءاللہ

وزیراعظم کے مشیر کا بیان

لاہور (ڈیلی پاکستان آن لائن) وزیراعظم کے مشیر برائے سیاسی امور رانا ثناءاللہ نے کہا ہے کہ 26ویں آئینی ترمیم نے چور دروازے سے اقتدار میں آنے کا راستہ بند کردیا۔

یہ بھی پڑھیں: جنوبی ایشیائی کراٹے چیمپئن شپ: پاکستان کے حزیفہ ارشد نے گولڈ میڈل جیت لیا

معاشی اور سیاسی استحکام

لاہور میں پریس کانفرنس کرتے ہوئے لیگی رہنما رانا ثناءاللہ کا کہنا تھا کہ مسلم لیگ (ن) نے ملک کی معیشت و ترقی میں مثبت کردار ادا کیا ہے اور پاکستان بحرانی کیفیت سے نکل آیا ہے اور اب ملک میں معاشی و سیاسی استحکام آئے گا۔

یہ بھی پڑھیں: امریکا میں ہونے والی کچھ چیزوں پر تشویش، مصنوعی ذہانت کی مدد سے اپنا ورژن بنانے کا منصوبہ بھی مسترد، پارٹی سیاست کا حصہ نہیں بنیں گے، پاپ لیو کا اعلان

سیاسی حقیقت کا کردار

انہوں نے کہا کہ عدم اعتماد کی کامیابی کے بعد جب حکومت بنائی تو ڈیفالٹ کا خطرہ لاحق تھا تاہم ہر مرحلے میں مسلم لیگ (ن) نے سیاسی حقیقت کے طور پر بھرپور کردار ادا کیا ہے اور تمام سیاسی قوتوں کے ساتھ مل کر کام کرنے پر یقین رکھا۔

یہ بھی پڑھیں: ن لیگ کا ووٹ بینک بڑھا، لٹے پٹے پنجاب کو مریم نواز نے دوبارہ پاؤں پہ کھڑا کیا : عظمیٰ بخاری

دہشت گردی کے خلاف اقدامات

ان کا کہنا تھا کہ ہم نے دہشت گردی کے خلاف جنگ میں اہم کردار ادا کیا اور ہمیشہ ملکی ترقی اور خوشحالی میں مثبت کردار ادا کیا جبکہ لوڈشیڈنگ کا خاتمہ کرکے توانائی بحران پر قابو پایا۔

یہ بھی پڑھیں: یورپ میں پراسرار آتشزدگی کے واقعات اور امریکی پروازوں کے خلاف مبینہ روسی سازش

غیرآئینی حکومت کا خاتمہ

رانا ثناءاللہ نے کہا کہ 2017 میں ایک منتخب وزیراعظم کی حکومت کو غیر آئینی طریقے سے ختم کیا گیا۔ نوازشریف کی قیادت میں پھلتے پھولتے اور ترقی کرتے پاکستان کو ٹریک سے ہٹایا گیا، تاہم آج وفاق اور پنجاب میں مسلم لیگ (ن) کو عوامی تائید حاصل ہے۔

یہ بھی پڑھیں: قطر میں امریکی اڈے پر ایرانی میزائل حملے کی تصدیق، سیٹلائٹ تصاویر میں تباہی کے واضح ثبوت

آئینی ترمیم کا اثر

لیگی رہنما کا کہنا تھا کہ 26ویں آئینی ترمیم کی وجہ سے یہ امید پیدا ہوئی ہے کہ اب پاکستان کو چور راستوں سے نشانہ نہیں بنایا جائے گا جیسے پہلے بنایا جاتا تھا۔ ملک کی خدمت کرتی حکومت کو ختم کرکے پاکستان میں عدم استحکام پیدا کیا گیا، اب وہ چور دروازے بند ہوگئے ہیں۔

حکومت کی کوششیں

رانا ثناءاللہ نے مزید کہا کہ وزیراعظم کی انتھک محنت سے پاکستان ترقی کی راہ پر گامزن ہے۔ تعلیم، صحت اور بے روزگاری کے معاملے پر پنجاب حکومت بھرپور توجہ دے رہی ہے۔ وزیراعلیٰ پنجاب مریم نواز عوام کو ریلیف دینے کے لیے بھرپور اقدامات کررہی ہیں، بڑے ترقیاتی منصوبوں پر کام ہورہا ہے، اب پاکستان میں معاشی اور سیاسی استحکام آئے گا۔