پاکستان کی جانب سے ایران پر اسرائیلی حملوں کی مذمت

پاکستان کی اسرائیلی حملوں کی مذمت

اسلام آباد (ڈیلی پاکستان آن لائن) پاکستان نے آج صبح ایران پر ہونے والے اسرائیلی حملوں کی شدید مذمت کی ہے۔

یہ بھی پڑھیں: جڑانوالہ میں انسانیت سوز واقعہ، پانچ سالہ بچی مبینہ زیادتی کے بعد قتل

ایرانی خودمختاری کی خلاف ورزی

ترجمان دفتر خارجہ کے مطابق، یہ اسرائیلی حملے ایران کی خودمختاری اور علاقائی سالمیت کی خلاف ورزی ہیں۔ یہ حملے بین الاقوامی قوانین اور اقوام متحدہ کے چارٹر کی بھی سنگین خلاف ورزی ہیں۔

یہ بھی پڑھیں: ثمین رانا اور عاطف رانا کا وژن، لاہور قلندرز کو دنیا کی سب سے ویلیو ایبل ٹی ٹونٹی فرنچائز بنا گیا، اے بی ڈی ویلیئرز کا لاہور قلندرز کی قیادت اور انتظامیہ کو شاندار خراجِ تحسین

علاقائی امن کو نقصان

اس طرح کے حملوں سے علاقائی امن اور استحکام کو نقصان پہنچتا ہے، جس کے نتیجے میں خطے میں عدم استحکام خطرناک حد تک بڑھ جاتا ہے۔

یہ بھی پڑھیں: خاموش ہوئی وہ زبان، جسے گفتگو میں کمال تھا

اقوام متحدہ کی جانب سے اقدام کا مطالبہ

ترجمان کے مطابق، اسرائیل تنازع کے بڑھنے اور پھیلنے کا ذمہ دار ہے۔ پاکستان نے اقوام متحدہ سے مطالبہ کیا ہے کہ وہ خطے میں اسرائیل کی لاپرواہی اور مجرمانہ رویے کے خاتمے کے لیے فوری اقدامات کرے، اور عالمی برادری امن و سلامتی کے قیام کے لیے اپنا کردار ادا کرے۔

یہ بھی پڑھیں: مرغ کی شکل جیسے ہوٹل نے گنیز بک آف ورلڈ ریکارڈز میں نام لکھوا لیا

اسرائیلی حملوں کی تفصیلات

واضح رہے کہ اسرائیل نے یکم اکتوبر کے ایرانی بیلسٹک میزائل حملوں کے بعد جوابی کارروائی کرتے ہوئے آج علی الصبح تہران، شیراز اور کرج پر فضائی حملہ کیا۔ اسرائیلی فوج کا کہنا تھا کہ ایران میں تقریباً 20 اہداف کو نشانہ بنایا گیا جن میں میزائل تیار کرنے والی تنصیبات اور زمین سے فضا تک مار کرنے والے میزائل شامل تھے۔

ایرانی حکام کا دفاعی بیان

دوسری جانب، ایرانی حکام نے ایک بیان میں کہا ہے کہ اسرائیلی جارحیت کا کامیابی سے دفاع کیا گیا، اور حملوں کو ناکام بنانے کے لیے فضائی دفاعی نظام استعمال کیا گیا۔