عالمی برادری کشمیر کے تصفیہ طلب بحران کو حل کرنے کیلئے اقدامات کرے، بلاول بھٹو

کشمیر کی حمایت میں بلاول بھٹو زرداری کا پیغام

کراچی (ڈیلی پاکستان آن لائن) پاکستان پیپلز پارٹی کے چیئرمین بلاول بھٹو زرداری نے کہا ہے کہ عالمی برادری کشمیر کے تصفیہ طلب بحران کو حل کرنے کیلئے بھرپور اقدامات کرے۔

یہ بھی پڑھیں: جوابی کارروائی کے کئی آپشن لیکن پاکستان کی کوشش کیا ہوگی؟ الجزیرہ نے تجزیہ پیش کردیا

مظلوم کشمیری عوام کے حقوق

نجی ٹی وی چینل دنیا نیوز کے مطابق یومِ سیاہ کشمیر کے موقع پر اپنے پیغام میں بلاول بھٹو زرداری کا کہنا تھا کہ مظلوم کشمیری عوام کیلئے ہماری حمایت غیر متزلزل رہی ہے اور ہمیشہ رہے گی، مقبوضہ وادی میں بنیادی حقوق و آزادی کا مطالبہ کرنے والے عوام کی آواز کو دبانے کی مذمت کرتے ہیں۔

یہ بھی پڑھیں: ضمنی انتخابات میں دھاندلی ہوئی، ہم ثبوتوں کے ساتھ الیکشن کمیشن جائیں گے، پی ٹی آئی کا دھاندلی کا شکوہ سمجھ سے بالاتر ہے، گورنر خیبرپختونخوا

حق خودارادیت کا دفاع

انہوں نے کہا کہ پاکستان اپنے کشمیری بھائیوں اور بہنوں کے ساتھ مضبوطی سے کھڑا ہے، اقوام متحدہ کی قراردادوں میں تسلیم شدہ کشمیریوں کا حق خودارادیت ایک انسانی حق ہے، ایک بنیادی انسانی حق کو کسی بھی ظلم و جبر سے چھینا نہیں جا سکتا۔ عالمی برادری کشمیر کے تصفیہ طلب بحران کو حل کرنے کیلئے بھرپور اقدامات کرے۔

یہ بھی پڑھیں: پاکپتن میں بھی ٹریفک قوانین کی خلاف ورزیوں پر بڑے پیمانے پر کریک ڈاؤن ،عوام پکڑ دھکڑ اور مقدمات سے نالاں ہیں : سماجی حلقے

کشمیر کے حل کی ضرورت

ان کا کہنا تھا کہ خطے میں انصاف، امن اور آزادی کیلئے مسئلہ کشمیر کا حل ناگزیر ہے، پیپلز پارٹی کیلئے کشمیر کاز ہمیشہ بنیادی اہمیت کا حامل معاملہ رہا ہے، شہید بھٹو کا کشمیر کیلئے بے مثال وژن آج بھی مشعل راہ ہے، شہید بینظیر بھٹو کی عالمی سطح پر کشمیر کیلئے جدوجہد ہمیشہ یاد رکھی جائے گی۔

یہ بھی پڑھیں: پی ٹی آئی کا مذاکرات نہ ہونے کی صورت میں سول نافرمانی کی تحریک کا عندیہ

صدر آصف زرداری کی کاوشیں

چیئرمین پیپلز پارٹی نے کہا کہ صدر مملکت آصف زرداری کی کشمیر کاز کیلئے کاوشوں کسی سے ڈھکی چھپی نہیں، انہوں نے اپنے پہلے دور صدارت میں مسئلہ کشمیر کو عالمی سطح پر بھرپور انداز میں اجاگر کیا، اس عظیم مقصد کو آگے بڑھانے کیلئے آج بھی پوری استقامت کے ساتھ پرعزم ہیں۔

یہ بھی پڑھیں: کوئٹہ میں مسافر بس میں آتشزدگی، 6 مسافر جھلس کر جاں بحق

کشمیری عوام کے ساتھ ایکجہتی

انہوں نے کہا کہ کشمیری عوام کے ساتھ یکجہتی کا اظہار کرنے کیلئے تمام پاکستانی آگے آئیں، کشمیریوں پر ہونے والے مظالم کے خلاف تمام پاکستانی اپنی آواز بلند کریں۔

پرعزم حمایت

بلاول بھٹو زرداری نے مزید کہا کہ کشمیریوں کی امنگوں اور اقوام متحدہ کے فریم ورک کے عین مطابق مسئلہ کشمیر کے پرامن حل کیلئے تمام پاکستانی کوششیں کریں، پیپلز پارٹی کشمیریوں کی قربانیوں کو تسلیم کرنے اور ان کی آواز کو قومی و بین الاقوامی سطح پر بلند کرنے کیلئے ہمیشہ پرعزم رہے گی。