یوٹیوبر کی جانب سے چیف جسٹس کی تصویر لینے پر ایس پی سکیورٹی سپریم کورٹ کا تبادلہ

سکیورٹی کے عملے کی تبدیلی

اسلام آباد(ڈیلی پاکستان آن لائن) ایک یوٹیوبر کی جانب سے چیف جسٹس یحییٰ آفریدی کی تصویر لینے پر سپریم کورٹ کے ایس پی سکیورٹی کو ہٹا دیا گیا۔

یہ بھی پڑھیں: زہران ممدانی کے بارے وہ باتیں جو آپ نہیں جانتے، BBC سامنے لے آیا

واقعہ کی تفصیلات

نجی ٹی وی چینل جیو نیوز کے مطابق ذرائع کا کہنا ہے کہ چیف جسٹس پاکستان یحییٰ آفریدی سپریم کورٹ کی مسجد میں نماز ادا کر رہے تھے۔ جب چیف جسٹس نے سلام پھیرا تو وہاں موجود یوٹیوبر نے ان کی تصویر بنائی۔ ذرائع کا بتانا ہے کہ چیف جسٹس پاکستان نے سکیورٹی سٹاف کو بلاکر پوچھا، "ایس پی سکیورٹی کہاں ہیں؟" جس پر انہیں بتایا گیا کہ ایس پی سکیورٹی سرکاری میٹنگ کے لیے نکلے ہیں۔

یہ بھی پڑھیں: وزیرِ اعظم شہباز شریف مارچ کے دوسرے ہفتے میں روس کا دورہ کریں گے۔

نئے سکیورٹی افسر کی تقرری

ذرائع کا کہنا ہے کہ چیف جسٹس نے ایس پی سکیورٹی کا سپریم کورٹ سے ٹرانسفر کا حکم جاری کر دیا۔ نئے ایس پی سکیورٹی نے سپریم کورٹ سکیورٹی کا چارج سنبھال لیا ہے۔

چیف جسٹس کی حلف برداری

یاد رہے کہ جسٹس یحییٰ آفریدی نے گزشتہ روز پاکستان کے 30 ویں چیف جسٹس کے عہدے کا حلف اٹھایا تھا۔