قومی وائٹ بال کوچ گیری کرسٹن پی سی بی کو بلیک میل کرنے لگ گئے؟

کوچ گیری کرسٹن کی بلیک میلنگ کا معاملہ

لاہور (ڈیلی پاکستان آن لائن) قومی وائٹ بال کوچ گیری کرسٹن پاکستان کرکٹ بورڈ کو بلیک میل کرنے لگ گئے۔

یہ بھی پڑھیں: این آر او دینے کےلیے پی ٹی آئی سے بات چیت نہیں ہو سکتی، طلال چوہدری

اختلافات کی وجوہات

سما نیوز کے مطابق قومی وائٹ بال ٹیم کے کوچ گیری کرسٹن کی من مانیاں پی سی بی حکام کے ساتھ اختلافات کا باعث بن گئی ہیں۔ کرسٹن نے قومی سلیکشن میں سنٹرل کنٹریکٹس کی کیٹگریز اور اسپورٹ اسٹاف میں اپنے پسندیدہ افراد کو شامل کرنے کا زور دیا، جس کے باعث یہ اختلافات پیدا ہوئے ہیں۔

یہ بھی پڑھیں: پنجاب حکومت نے تعلیمی اداروں میں گرمیوں کی چھٹیوں کا اعلان کر دیا

معاہدے کی خلاف ورزی

گیری کرسٹن نے اپنے معاہدے کے مطابق پاکستان میں موجودگی سے انکار کردیا ہے۔ انہوں نے کسی بھی سیریز یا ٹوور سے ایک ہفتہ قبل پاکستان ٹیم کا کیمپ جوائن کرنے کا کہا، حالانکہ معاہدے کے مطابق انہیں سال میں ایک مہینہ چھٹیوں کی اجازت تھی اور گیارہ ماہ قومی ٹیم کی سپر ویژن کرنا تھی۔

یہ بھی پڑھیں: پی ایس ایل، محمدیوسف نے 43 سالہ شعیب ملک کے کھیلنے پر سوال اٹھادیا

چیمپئینز کپ کی صورتحال

اس سے قبل گیری کرسٹن نے چیمپئینز کپ کے دوران یا اس کے علاوہ بھی موجودگی سے انکار کردیا تھا۔

پی سی بی کا موقف

انہوں نے ڈیوڈ ریڈ کے معاہدے کی وضاحت مانگی اور نہ دینے کی صورت میں آسٹریلیا نہ جانے کی بھی دھمکی دے ڈالی۔ جبکہ پی سی بی گیری کرسٹن کے ساتھ کئے جانے والے معاہدے پر سو فیصد عملدرآمد کا خواہشمند ہے۔ پی سی بی نے اپنے موقف پر قائم رہتے ہوئے گیری کرسٹن کی دھمکیوں میں نہ آنے کا فیصلہ کیا ہے اور حکام اس بات پر ڈٹ گئے ہیں کہ جو فیصلہ کرنا ہے وہ گیری کرسٹن نے کرنا ہے۔