انسداد پولیو مہم کا آغاز آج سے ہوگا، تین نومبر تک جاری رہے گی

انسداد پولیو مہم کا آغاز

اسلام آباد (ڈیلی پاکستان آن لائن) ملک بھر میں انسداد پولیو مہم کا آغاز آج سے ہونے جارہا ہے۔

یہ بھی پڑھیں: پی ٹی آئی کے احتجاج نے ملک کا یومیہ 190 ارب روپے کا نقصان کیا، جام کمال کا بیان

مہم کی تفصیلات

نیشنل ایمرجنسی آپریشن سینٹر کے مطابق انسداد پولیو مہم 3 نومبر تک جاری رہے گی جس دوران ساڑھے چار کروڑ سے زائد بچوں کو پولیو سے بچاؤ کے قطرے پلائے جائیں گے۔

یہ بھی پڑھیں: پنجاب کا تاریخ ساز بجٹ 2025-26

پولیو کیسز کی معلومات

رپورٹ کے مطابق رواں سال ملک بھر میں 41 پولیو کیسز سامنے آئے جن میں سے 12 کیسز کا تعلق سندھ سے ہے۔ جبکہ سندھ بھر میں ایک کروڑ 6 لاکھ بچوں کو پولیو سے بچاؤ کے قطرے پلائے جائیں گے۔

یہ بھی پڑھیں: عابد شیر علی بلا مقابلہ سینیٹر منتخب

ورکرز اور سکیورٹی انتظامات

ایمرجنسی آپریشن سینٹر برائے پولیو کے مطابق انسداد پولیو مہم میں 81 ہزار پولیو ورکرز حصہ لیں گے جن کے لئے 19 ہزار سکیورٹی اہلکار تعینات ہوں گے۔

کراچی میں پولیو وائرس کا خطرہ

ای او سی کے مطابق کراچی کے تمام اضلاع کے ماحولیاتی نمونوں میں پولیو وائرس مثبت آیا ہے۔