جرمنی کے شہر میں ‘موت کا جال’ کہلانے والے انسانی سمگلنگ کے کاروبار کی گہرائی اور وسعت کتنی ہے؟

بیس بال کیپ پہنے ایک اور شخص ان کے قریب آیا۔ ساحر نے اسے 'الخال' کہا جو کہ 'انکل' کے معنی رکھتا ہے۔ عربی زبان میں کسی کو احترام کے ساتھ مخاطب کرنے کے لیے بھی 'الخال' کا لفظ استعمال کیا جاتا ہے۔

الخال کے ساتھ ایک اور آدمی تھا جو کافی خاموش رہا، بظاہر وہ اس کا باڈی گارڈ تھا۔ الخال نے ان سے مصافحہ کرنے سے پہلے کیفے کی ویٹرس سے جرمن زبان میں کچھ کہا اور پھر ان کی طرف متوجہ ہوا اور عربی میں باتیں شروع کر دیں۔

حمزہ کو کہا گیا کہ وہ اپنا فون حوالے کر دے، جو کہ ایک الگ ٹیبل پر رکھا ہوا تھا۔

باڈی گارڈ حمزہ کے پاس بیٹھا ہے اور اگلے 22 منٹ کا زیادہ تر حصہ اس نے انہیں غور سے دیکھنے میں گزارا۔

سخت جرمن قوانین کی وجہ سے ملاقات کے دوران Uses in Urdu نے صرف ویڈیو ریکارڈنگ کی اور آڈیو نہیں کی، کیونکہ آڈیو ریکارڈنگ ممنوع ہے۔

لہذا اس گفتگو کے متعلق ہماری رپورٹنگ جزوی طور پر ہمارے انڈر کور صحافی کی یادداشت پر مبنی ہے، جو کہ جرمنی میں تحقیقاتی رپورٹنگ کا ایک مسلمہ طریقہ ہے۔

یہ حمزہ اور سمگلروں کے درمیان پیغامات، کال ریکارڈ اور وائس نوٹ کے ذریعے تصدیق ہوتی ہے۔

خال حمزہ سے کہتے ہیں کہ 'اپنی آواز بلند کیے بغیر' بتاؤ کہ وہ کون ہے اور کیا چاہتا ہے۔

حمزہ نے بظاہر پورے اعتماد کے ساتھ اپنی کہانی دہرائی۔ وہ یہ بھی بتاتے ہیں کہ جس کشتی کی خریداری کے متعلق وہ بات کر رہے ہیں، وہ شاید جرمن قوانین کے تحت غیر قانونی نہ ہو۔

لیکن خال اس بات کو مسترد کر دیتے ہیں اور کہتے ہیں کہ 'یہ آپ کو کس نے بتایا؟ یہ غیر قانونی ہی ہے۔'

یہ بھی پڑھیں: بھارت: بروقت ایمبولینس نہ ملنے پر ہتھ گاڑی پر بچے کی پیدائش

چین میں تیار 'ڈنکی' کشتیاں جو جرمنی لائی جاتی ہیں

اگرچہ جرمنی میں کشتیوں کی سمگلنگ کے بارے میں قانونی خامیاں موجود ہیں، تاہم ایسا لگتا ہے کہ یہ لوگ جانتے ہیں کہ وہ ایک وسیع مجرمانہ نیٹ ورک میں شامل ہیں۔

گلوبل انیشی ایٹو کے مطابق اس میں سمگلرز کے لیے ممکنہ طور پر 'غیر معمولی' منافع موجود ہے۔ اگر فرض کر لیا جائے کہ درجنوں افراد سے سفر کے لیے فی کس تقریباً دو ہزار یورو وصول کیے جاتے ہیں تو اس سے حاصل ہونے والی رقم کا اندازہ لگانا بھی مشکل نہیں۔

اگر ان کا معاہدہ ہو جاتا ہے تو خال کا دعویٰ ہے کہ وہ کل تک کشتی سمیت یہ سامان ایک ایسے مقام پر موجود پائیں گے جو فرانسیسی ساحل سے صرف 200 میٹر کے فاصلے پر ہے۔

خال اور سحر ایک 'نئے کراسنگ پوائنٹ' کا بھی ذکر کرتے ہیں اور کہتے ہیں کہ یہ جگہ فرانسیسی حکام کی نظروں سے کم ہی بچتی ہے۔ تاہم، وہ اس کا مقام ظاہر نہیں کرتے۔

یہاں ایک دوسرا اور سستا آپشن بھی موجود ہے، اور حمزہ اس کے حق میں زیادہ ہیں۔

اس کے تحت، وہ تقریباً آٹھ ہزار یورو میں کشتی کو جرمنی کے ایسن کے گودام سے حاصل کر کے اسے اپنے زور پر شمالی فرانس تک لے جائیں گے۔

سمگلرز حمزہ سے کہتے ہیں کہ اگر آپ پکڑے گئے تو ہم ذمہ دار نہیں ہیں۔

جب انہوں نے فیصلہ کر لیا کہ کیا کرنا ہے، تو اب بات چیت کا رخ اس بات کی طرف بڑھتا ہے کہ حمزہ گینگ کو کیسے ادائیگی کریں گے۔

خال چاہتے ہیں کہ ترکی میں رقم نقد ادا کی جائے کیونکہ 'سب چیزیں' وہاں سے آتی ہیں۔

تو کیا یہ ڈیل طے پائی؟

وہ یہ تجویز پیش کرتے ہیں کہ رقم کو حوالہ سسٹم کے ذریعے جمع کیا جا سکتا ہے۔ حوالہ ایک طریقہ ہے جس کے تحت کسی بھی رسمی بینکنگ کے بجائے سرحدوں کے پار نقد رقم پہنچانے کے لیے ایجنٹوں کے نیٹ ورک پر انحصار کیا جاتا ہے۔

بعد ازاں، حمزہ کو واٹس ایپ پر اکاؤنٹ کا نام بھیجا جاتا ہے۔

کیفے میں ملاقات کے بعد بھیجے گئے پیغامات عربی زبان میں اور وائس نوٹس میں ہوتے ہیں، جن میں سے ایک میں سحر آؤٹ بورڈ موٹرز کے برانڈز کی وضاحت کرتے ہیں۔ وہ کہتے ہیں کہ انہیں مرکری کمپنی کی موٹر 'بہت پسند' ہے لیکن 'اگر یاماہا مل جائے تو میں یاماہا کو ترجیح دوں گا۔'

وہ اس بارے میں بتاتے ہیں کہ وہ کس طرح سامان کو 'ڈیلیور اور دفن' کر سکتے ہیں، اس کا مطلب یہ ہے کہ اسے کراسنگ پوائنٹ کے قریب زیر زمین کیسے چھپا سکتے ہیں۔ وہ بتاتے ہیں کہ بولون ایک بہتر آپشن ہے کیونکہ کیلس اس کے مقابلے میں 'قدرے مشکل ہے'۔

خرید و فروخت کی حکمت عملی کے تحت حمزہ سے یہ بھی کہا جاتا ہے کہ ان کے پاس 'محدود' سٹاک ہے جبکہ خریدار زیادہ ہیں۔

خال اپنی بات چیت میں زیادہ محتاط ہیں۔ لیکن وہ سحر کی طرف سے بھیجے گئے ایک وائس نوٹ میں حمزہ سے ملاقات کے بعد بے چینی کا اظہار کرتے ہوئے کہتے ہیں: 'تمہارا دوست، لگتا ہے کہ وہ ٹھیک (آدمی) نہیں ہے۔'

اس کے باوجود، وہ سحر سے کہتے ہیں کہ حمزہ سے پوچھے آیا وہ کشتی خریدنا چاہتا ہے یا نہیں: ’اگلے ایک یا دو گھنٹے میں، اس سے پوچھیں۔‘

بالآخر، حمزہ نے ان سے کہا کہ وہ ان کے ساتھ اب یہ سودا نہیں کر سکتے۔

اور اس طرح Uses in Urdu نے ان افراد کو کوئی رقم ادا نہیں کی اور نہ ہی ہم ان کی اصل شناخت کے بارے میں یقین کے ساتھ کچھ کہہ سکتے ہیں۔

ہم نے نیشنل انڈیپنڈنٹ لائف بوٹ ایسوسی ایشن کے چیئرمین نیل ڈالٹن کو موصول ہونے والی کشتیوں کی فوٹیج دکھائی تو انھوں نے کہا کہ وہ ایسے جہازوں سے 'بطخ والے تالاب' میں بھی نہیں جائیں گے۔

ان کا موازنہ 'موت کے پھندے' سے کرتے ہوئے وہ کہتے ہیں کہ درجنوں لوگوں کو ان کشتیوں پر چینل کراسنگ کے لیے باندھنا 'انتہائی خطرناک' ہوگا کیونکہ بظاہر یہ 'انتہائی کمزور' ہیں۔

دریں اثنا، سفارت کاروں کا اصرار ہے کہ ان گروہوں سے نمٹنے کے لیے جرمنی اور برطانیہ کے درمیان تعاون میں بہتری آئی ہے۔

دوسرے ممالک کے تعاون سے اس سلسلے میں گرفتاریوں کا عمل جاری ہے اور گوداموں پر چھاپے مارے گئے ہیں جبکہ 'اسی قسم کے جرم' جیسے کہ تشدد یا منی لانڈرنگ کے خلاف جرمنی کے اندر مقدمہ چلایا جا سکتا ہے۔

فروری میں جرمنی میں ایک بڑا چھاپہ مارا گیا جس میں کشتیاں، انجن، لائف جیکٹ اور بچوں کے تیرنے کے سامان ضبط کیے گئے اور 19 افراد کو گرفتار کیا گیا۔

لیکن یہ بیلجیئم اور فرانسیسی عدالتی احکامات کے تحت ہوا۔ سنہ 2022 سے اسی طرح کے آپریشن کے متعلق فرانس میں ایک علیحدہ مقدمہ چلایا جا رہا ہے۔

برطانیہ کے ہوم آفس کے ایک ترجمان نے Uses in Urdu کو بتایا کہ حکومت جرمنی سمیت دیگر ممالک کے ساتھ 'مجرمانہ سمگلنگ کے گروہوں کے خلاف کریک ڈاؤن' کرنے کے لیے ’تیزی سے کام‘ کر رہی ہے، لیکن ’ہمیشہ ساتھ مل کر کرنے کے لیے بہت کچھ ہوتا ہے۔‘

فرانسیسی حکام کی طرف سے اسی طرح کے خیالات کا اظہار کیا گیا۔

شمالی فرانس کے ایک پراسیکیوٹر پاسکل مارکون ویل نے رواں ماہ کے اوائل میں Uses in Urdu کو بتایا کہ ’جرمنی والوں کو یہ بتانا ضروری ہے کہ یہ کشتیاں ہمارے ساحلوں پر ہونے والے جرائم سے منسلک ہیں تاکہ وہ مداخلت کر سکیں گے۔‘

برلن کی وزارت داخلہ نے Uses in Urdu کو بتایا کہ دو طرفہ تعاون 'بہت اچھا' ہے اور جرمن حکام برطانیہ کی درخواست پر کارروائی کر سکتے ہیں۔

ایک ترجمان نے مزید کہا کہ اگرچہ جرمنی سے برطانیہ کے لیے سمگلنگ میں مدد کرنا غیر قانونی نہیں ہے لیکن بیلجیم یا فرانس جہاں سے چینل کراسنگ ہوتی ہے وہاں سمگلنگ میں مدد کرنا قابل سزا جرم ہے۔

ڈاؤننگ سٹریٹ نے کہا کہ Uses in Urdu کی تحقیقات 'بالکل اسی قسم کی سرگرمی پر روشنی ڈالتی ہے جس سے نمٹنے کے لیے ہم کام کرنا چاہتے ہیں۔'

یہ پوچھے جانے پر کہ کیا جرمنی کو ملک میں فلیٹبل کشتیوں کی سمگلنگ کو روکنے کے لیے مزید کچھ کرنا چاہیے تو کیئر سٹارمر کے سرکاری ترجمان نے کہا: 'یہ ضروری ہے کہ ہم نفاذ کے حوالے سے اپنا نقطہ نظر وسیع کرتے رہیں، اور یہ کہ یہ دوسرے ممالک تک جاتا ہے۔

'ہمیں ان کی سرگرمیوں کے پیمانے کے ساتھ رفتار برقرار رکھنے کی ضرورت ہے، اور یہ وہ چیز ہے جس پر ہم جرمنوں اور دیگر لوگوں کے ساتھ مل کر کام کریں گے۔'

شمال مشرقی فرانس کے ساحلوں کے ساتھ آپ کو کشتیوں پر کراسنگ کی ناکام کوششوں کی باقیات مل سکتی ہیں جو نیشنل کرائم ایجنسی کے مطابق 'زیادہ خطرناک اور ناقابل برداشت' ہوتی جا رہی ہیں۔

ان ساحلوں پر ہوا نکلی ہوئی ڈنگیاں اور لاوارث لائف جیکٹس بیکار لگ سکتی ہیں لیکن کسی نے اس کے لیے بھاری رقم ادا کی ہو گی جن کے بارے میں وہ امید کر رہے تھے کہ وہ ان کے لیے بہتر زندگی کا وسیلہ ہو سکتی ہیں۔

یہ مصائب، مایوسی اور بدترین صورتوں میں موت کی تجارت ہے، لیکن یہ ایک ایسی تجارت ہے جو یورپ کے اندر گہرائی میں کہیں ترقی کر رہی ہے اور پھل پھول رہی ہے۔

اس مضمون کے متعلق ہم نے الخال سے جواب طلب کیا لیکن انھوں نے جواب نہیں دیا۔