پاکستان میں جمہوریت ہار گئی، خود کو پارلیمنٹیرین کہتے شرم آتی ہے، اسد قیصر

اسد قیصر کا صدمہ

اسلام آباد (ڈیلی پاکستان آن لائن) سابق سپیکر قومی اسمبلی اور تحریک انصاف کے مرکزی رہنما اسد قیصر نے کہا ہے کہ پاکستان میں جمہوریت ہار گئی، ہمیں خود کو پارلیمنٹرین کہتے ہوئے شرم آتی ہے۔

یہ بھی پڑھیں: ایرانی سپریم لیڈر آیت اللہ علی خامنہ ای نے اپنے ممکنہ جانشینوں کے بارے میں فیصلہ کر لیا، امریکی اخبار

قومی اسمبلی میں خطاب

قومی اسمبلی اجلاس سے خطاب میں اسد قیصر نے کہا کہ چوہدری مختار علی اور مبارک زیب پی ٹی آئی کے ٹکٹ ہولڈر ہیں، یہ وہ لوگ ہیں، جو حکومت کو ووٹ دے گئے ہیں۔
انہوں نے کہا کہ پوچھیں، جو 5 ووٹ ملے ہیں کیا وہ خریدے ہیں؟ جس طرح آئینی ترمیم کی گئی، وہ جمہوریت کی پیشانی پر سیاہ دھبہ ہے۔

یہ بھی پڑھیں: ایم این اے ڈاکٹر نکہت شکیل بھی آن لائن فراڈ کا شکار، ہیکر نے واٹس ایپ ہیک کر کے رشتہ داروں اور دوستوں سے پیسے بٹور لیے

پی ٹی آئی رہنما کا اظہار خیال

پی ٹی آئی رہنما نے مزید کہا کہ عادل بازئی کے پلازے کو توڑا گیا، ہمیں شرم آتی ہے جب ہم خود کو پارلیمنٹرین کہتے ہیں، پاکستان میں جمہوریت ہار گئی ہے۔

یہ بھی پڑھیں: لگتا ہے زمین پر کسی اور کی نظر ہے اور نظر بھی بری ہے، جسٹس مسرت ہلالی کے آئی ٹی یونیورسٹی کے قیام سے متعلق کیس میں ریمارکس

سینیٹ کی اہمیت

ان کا کہنا تھا کہ سینیٹ فیڈریشن یونٹ ہے، پوچھتا ہوں کہ خیبر پختونخوا کی نمائندگی کے بغیر کیا سینیٹ مکمل ہے؟

حق کا مطالبہ

اسد قیصر نے یہ بھی کہا کہ ہمارے خیبر پختونخوا ہاؤس کو جیسے سیل کیا گیا ہے، وہ صوبے کے ساتھ کھلی ناانصافی ہے، جلسے جلوس ہمارا بنیادی حق ہے، لیکن ہمیں بنیادی حقوق سے محروم رکھا گیا۔