کچے کے علاقے میں پولیس اور رینجرز کا مشترکہ آپریشن، 2 مغوی بازیاب
مشترکہ آپریشن میں دو مغوی بازیاب
کراچی (ڈیلی پاکستان آن لائن) سندھ کے ضلع شکارپور کی حدود میں کچے کے علاقے میں پولیس اور رینجرز نے مشترکہ آپریشن کرکے 2 مغوی بازیاب کروالیے۔
یہ بھی پڑھیں: چہرے بدلنے سے کچھ حاصل نہیں ہو گا، موجودہ فرسودہ طبقاتی استحصالی ظالمانہ نظام کو معتدل عادلانہ منصفانہ اور جمہوری نظام میں تبدیل کرنا پڑے گا
آپریشن کی تفصیلات
ڈان نیوز کے مطابق سینئر سپرنٹنڈنٹ پولیس شاہزیب چاچر نے کہا کہ کچوکیٹی میں مشترکہ ٹارگیٹڈ آپریشن کیا گیا، فائرنگ کے تبادلے میں ڈاکو 2 مغویوں کو چھوڑ کر فرار ہوگئے۔ بازیاب کیے جانے والوں میں پنجاب کا رہائشی عبدالحمید بلوچ اور کراچی کا رہائشی علی عباس شامل ہیں، ڈاکوؤں نے دونوں شہریوں کو ایک ماہ قبل ہنی ٹریپ کرکے اغوا کیا تھا۔
یہ بھی پڑھیں: وفاقی حکومت کی کینال منصوبہ ختم کرنےکی پیشکش لیکن پیپلزپارٹی نے کیا جواب دیا؟ تہلکہ خیز دعویٰ
پچھلا واقعہ
واضح رہے کہ گزشتہ روز بھی شکارپور میں ہی پولیس اور رینجرز نے کچے میں ڈاکوؤں سے مقابلے کے بعد 2 کمسن مغوی بچوں اور ایک پولیس اہلکار کو بازیاب کرالیا تھا۔ پولیس نے رینجرز کے ہمراہ کچے میں ناپرکوٹ تھانہ کی حدود میں آپریشن کیا تھا، آپریشن کے دوران ڈاکوؤں اور پولیس کے درمیان فائرنگ کا تبادلہ ہوا تھا۔ فائرنگ کے تبادلے کے بعد 5 سالہ ولید میمن اور 2 سالہ ناصر عباس سمیت محمد اسماعيل شرنامی اہلکار کو بازیاب کر لیا گیا تھا۔
گرفتاری اور فرار
پولیس کے مطابق آپریشن کے دوران 2 ڈاکوؤں کو گرفتار کر لیا گیا جبکہ ان کے 3 ساتھی فرار ہوگئے تھے۔
